Gratias, Paolo e Kjell, pro vostre pensamentos del "sectos". Antea commentante, io vole dar a vos le sitos ubi le secto suicidal de California explica lor ideas religiose: <http://homepage.netspaceonline.com/~jonhall/heaven/index.html> <http://homepage.netspaceonline.com/~jonhall/heaven/book/03.htm> <http://homepage.netspaceonline.com/~jonhall/> Mi immediate reaction es le de "nuts". Le idea fundamental pare ser que Jesus, como le prime homine, ha essite "colligite a mano" pro su "container", lequel pro un o altere cosa pareva convenitente a un spirito del externe space. Forsan vos face un altere interpretation? Como ha illes (Applewhite e su mulier (ridente nunc!)) arrivate a iste pretention a reinterpretation? Ecce un del numerose nove theorias pseudoreligiose basate a un ipse-proclamate revelation, qual le historia provide exemplos decetres al dozena. Illo me duce al Svedese Emanuel Swedenborg, que publicava su sonios multo bizarre, lo quales nonobstante formava un bastante parte del fundamento de un secto, le Swedenborgianismo (Ecclesia Nove o Le Nove Jerusalem in London 1788, Swedenborg Society 1812). Le sonios de Swedenborg contineva multe referentias a cosas cosmologic, que immisceva con platonismo nove, kabbalismo, correspondentologia, maritages celestial, le linea filosofico de Cambridge e altere influentias in ideas multo bizarre, confinande con maladia psychiatric. Personalmente ille es characterisate como multo agradible e in apparentia san. Originalmente io opinava mi difficultate, non primariemente a comprender personas como Applewhite e Swedenborg, sed a comprehender illes qui deveni lor discipulos! Que contine le parolas "Secto suicidal"? Re "sect" io opina que le distinction inter ecclesias formate quando se distaccante del ecclesia materne e altere sectos es un cosa de conjectura. Le prime secto aquel io sape es appellate "le essenes", vivente simultaneemente con Jesus in un monasterio presso del Mar Morte. Illes ha celate rolos de pergamena famose, lo quales io ha vidite in Nove York dos annos a retro. Ille secto formava un branca tertie in le religiose vita judee, post le farisees e le sadducees. Io non osa dar un opinion altere que alqun vices illo ha un connotation derogatori, ma lontan de sempre! Io apprecia multo Paolos discurso super iste subjecto! Amicalmente, Sigmund.