Frank Pfaff ha scripte: > > [Kjell] > Alcun debe scriber un libro in re iste mytologia filmic. Multo de ille > cosas on categorisa como Nove Etate (New Age) in Svedia... Le question es, > esque le films ha disseminate iste ideas o esque le ideas ha essite > empleate per le filmeros? > > [Frank] > Kjell, tu pote adder le phenomeno del "vampirismo". Ante parve tempore io > videva per television le caso de un gruppo de juvenes qui jocava le rolos > de vampires. Isto deveniva de plus in plus seriose usque illes comenciava > a biber sanguine e attingeva su consequentia con un duple homcidio. Io > opina, que, al minus in le caso de vampirismo, le filmes e libros porta le > responsibilitate major pro le dissemination de iste visiones degenerate. > -- frank Ah, il ha le RPGs (Role-Playing Games), e illos me place multo. Le RPGs es jocos ubi on representa un persona fictional. Il ha un jocator special, appellate le "Maestro del Joco", qui habe le scenario de un historia fictional. Ille presenta al altere jocatores situationes, e istes reage secundo le characteristicas de su personas fictional. Per exemplo, tu persona poterea esser Conan, le barbaro, in tempores perdite del passato. Le Maestro presenta un situation... "Tu cavalca per un deserto e contempla un oasis. Le forte sete te face ir illac, tu quita le cavallo e bibe le aqua. Un femina appare subitemente ab post un arbusto, e dice que le aqua es invenenate, e illa le dara le antidoto si tu facera un travalio pro illa. Si tu non acceptara, tu morira in 3 dies." Que tu face alora? Concordar? Finger concordar? Non concordar? (Ops, tu comencia sentir un dolor in tu pectore...) Isto es un exemplo de "ambientation" del RPGs. Il ha altere ambientationes. "Far-West", Brasil del seculo 17 (un immense foreste habitate per indios hostil e creaturas mythologic...), Fiction Scientific (Star Trek), Cyberpunk (Blade Runner), Phantasia Medieval (guerreros, magos, elfos...) ...e Terror. E hic il ha le vampiros. Le personas del jocatores es vampiros qui cerca superviver in nostre societate, con grandes traumas (deber occider gente pro superviver), etc. etc. etc. Como succede con altere cosas, de video-game a religiones a linguas artificial, il ha gente de "mente debile" qui deveni fanatic. Le adeptos del joco "salutar" dice que le gente debe sempre haber in mente que LE JOCATOR NON ES LE PERSONA. Io joca RPG. Es divertente passar alcun horas agradabile con amicos circa un tabula in un postmeridie vivente in un altere mundo, occidente dragones como guerreros in armatura brillante. Si il ha personas qui bibe sanguine ver, isto es un comportamento maladesc que debe esser reprimite. Ma isto NON es culpa del RPG. -- ENSJO : EMERSON JOSE' SILVEIRA DA COSTA E-mail : mailto:[log in to unmask] Homepage : http://www.nautilus.com.br/~ensjo/ Addresse : Conj. Panorama XXI, Q. 26, C. 14 Nova Marambaia 66625-280 Belem - Para - Brasil Telephono: (091) 231-5740 // +55 91 231 5740