Car interlinguistas, Senior Frank Pfaff es le prime persona del gruppo "INTERLNG" qui se ha inscribite in le lista de participantes del 13e Conferentia de Interlingua in Strasbourg. Benvenite es su proposition de haber illac un discussion super le possibilitates que Internet offere al propagation de Interlingua. Le commission que prepara le programma del Conferentia jam plana un session o "workshop" dedicate a Internet. Iste commission, que se compone de Thomas Breinstrup (Danmark), Ingvar Stenström (Svedia), Peter Gopsill (Anglaterra), Alix Potet (Francia) e io como coordinator, invita senior Pfaff (o un altere persona) a presentar un parve introduction scripte al session super Internet. Le introduction va esser publicate in le libretto conferential que le participantes va reciper in le fin del mense de junio. Salutes amical de Piet Cleij, Secretario General del UMI.