Salute Sigmund e benvenite retro al lista! Ego spera que tu te senti ben. Heri ego tentava visitar tu pagina domestic, ma mi provisor me diceva que illo non pote attinger tu servitor. Me sembla que le error jace in me, e ego va probar un altere vice. Ego ipse ha habite chefs feminas. Isto ha generalmente functionate ben. Personalmente ego prefere laborar in un hierarchia multo horisontal ubi cata uno sape que facer e non debe attender un decision del nivello supreme. Le debatto in re le pastoras del ecclesia svedese continua. Multo interessante... De tempore al tempore ego relabe in usar un latino que ego nunquam ha maestrate! Que, dicente le veritate, es un porcheria. Lo que ego scribe plus voluntariemente que ben, hehe. Le inspiration era de facto un littera, que ego unquam recipeva del redaction del transmissiones in latino del radio exterior de Finlandia, YLE international. Iste littera comenciava: SHT, salutem quam plurimam agimus.... Isto sonava multo ben, majestatic, in le mesme maniera attractive como litteras francese: "Sia, senior, convincite de mi sentimentos le plus distinguite!" es un excellente maniera finalisar un littera, quando nos nordicos solo fini: CSA = Con Salute Amical. Jay, recorda te le tempores a CompuServe. Ego habeva contactos con un juvene cive del Statos Unite qui ha su radices in Finlandia. Nunc nos intercambia notas in finnese, del stilo: Ubi habita tu? Io habita in Uppsala... Multo amusante. Plus in plus nos scribe plus e plus longe frases. Isto serea toto pro hodie. Kjell Rehnstroem Vaenortsgatan 87 S - 75264 Uppsala email: [log in to unmask]