Vos pote saper que tu recentemente laborava troppo quando: 1) Parentes qui moriva desde plure annos veniva a visitar te e suggereva te que tu deberea conceder te un poco de reposo. 2) Tu dice semper de novo le mesme phrase, sin comprender que tu lo diceva jam antea. 3) Le sol es troppo ruitose. 4) Arbores comencia a persequer te. 5) Tu pote vider moleculas individual de aere que vibra. 6) Tu comencia demandar te si le infusion es un mesura vermente necessari pro le consumption de caffe. 7) Tu pote audir pantomimas. 8) Tu crede que si tu te concentra bastante ben tu poterea volar. 9) Le cosas deveni "multo clar". 10) Tu comencia parlar un lingua que solmente tu pote comprender. 11) Tu dice semper de novo le mesme phrase, sin comprender que tu lo diceva jam antea. 12) Tu comencia critar "Non me tange!" mesmo quando tu es sol. 13) Tu corde comencia batter con un rithmo de 7/8. 14) Un famose director de cinema veni e te demanda: "Ehi, pote io filmar vos?". 15) Tu e le Realitate demanda un divorcio. 16) Tu pote saltar al corda sin un corda. 17) Tu ha le impression que le gente te parla in codice binari. 18) Tu recipe grande revelationes in re le Vita, le Universo, e omne altere cosas, ma tu non pote trovar parolas bastante bon pro pronunciar los ante que le excitation dispare, e isto te lassa plus confuse que antea. 19) Tu pote viagiar sin mover te. 20) Le tablettas anti-acido deveni tu sol fonte de nutrition. 21) Tu discoperi le beltate esthetic del provisiones de tu bureau. 22) Tu comencia parlar a te mesme, pois tu non es de accordo con le subjecto, comencia un disagradabile disputa super illo, tu perde, e tu refusa de parlar plus con te ipse durante le resto del nocte. 23) Tu ha le irresistibile pulsion de morder le naso del personas con le quales tu parla. 24) Le ursos de pluche comencia tormentar te con continue requestas de lacte e biscuits. 25) Tu dice semper de novo le mesme phrase, sin comprender que tu lo diceva jam antea. -- Paolo Castellina, v.d.m. CH-7604 Borgonovo (Switzerland) Tel. ++41,81,8221145 E-Mail [log in to unmask] http://www.geocities.com/~pcastellina http://www.ipsnet.it/netpages/room491 http://www.aspide.it/freeweb/RIFORMA http://www.naz.com/personal/interlng