Es correcte le uso de "fila" pro (ang.) "data files"? In CEID nos trova: FILE n (of persons) fila; (documents) dossier; (box, cover) classificator; (tool) lima; v (documents) archivar, classificar; (patents) depositar; (wood, metal) limar; -- AWAY junger al dossier (de un affaire) FILING archivamento; -- CABINET mobile classificator; --S limatura Assi, "fila" me simila un persona post le altere (forsan expectante su vice in alcun servicio, como in un banca). E nos habe le parola "fila" in portugese, e con iste exacte senso. Usar iste parola solo me sonaria correcte si on pensa al "files" como un sequentia de datos. Pro me, le senso de "file" es ligate al metaphora de su traduction brasilian "arquivo": ARQUIVO sm. 1. Conjuncto de documentos. 2. Loco o mobile ubi on los immagazina. In portugese de Portugal, le parola es "ficheiro". In portugese brasilian nos habe le parola etymologicamente similar "fichário": FICHÁRIO sm. 1. Collection de "fichas". 2. Loco ubi on immagazina "fichas". Ops... hic nos habe un altere senso pro "ficha" que io non vos dava antea, perque nos discuteva "tokens": FICHA sf. (...) 3. Folio libere o carta con annotationes pro ulterior classification. Assi, "ficheiro" es "card file". Como nos vide, in ambe versiones portuguese il ha le allusion al recipiente physic ubi on immagazina le datos. Metaphoricamente, un "file" es un "porta-datos". Supra nos vide que "file" como verbo pote significar "classificar" o "archivar". Isto me face pensar... Il HA le parola "archivo" in anglese e in Interlingua: ARCHIVE archivo Ma QUE ILLO SIGNIFICA? Io non habe un dictionario anglese-portugese ora hic. Illo significa le mesmo que "arquivo" in portugese? Se il ha le verbo "archivar" significante "poner (alique) in un _file_", "archivo" non significarea "file"? -- ENSJO : EMERSON JOSE' SILVEIRA DA COSTA E-mail : mailto:[log in to unmask] Homepage : http://www.nautilus.com.br/~ensjo/ Addresse : Conj. Panorama XXI, Q. 26, C. 14 Nova Marambaia 66625-280 Belem - Para - Brasil Telephono: (091) 231-5740 // +55 91 231 5740