Con interesse io ha legite le messages super le CEID. Io cognosce un pauco le historia de iste dictionario. Peter Gopsill (Adresse: 261 Teehey Lane, Bebington, Wirral, Anglaterra, Tel. 0151 608 85 08) ha facite le output del paginas per su computator. In su imprimeria de Beekbergen Frits Goudkuil ha cambiate iste paginas in folios offset. Dunque le imprimitor Goudkuil non es responsabile del aspecto alique simple e del errores. Io sape que Peter Gopsill e Brian Sexton ha preparate un nove edition corrigite, plus grande e plus belle. Io crede que nunc le libro es preste pro impression. Il es importante que in le Internet existe diverse dictionarios de Interlingua. Il es regrettabile que le IED non es super dischettos. Pro publicar lo in le Internet on debe trovar un persona qui es preste a transponer lo super dischettos. Qui? Mi proprie dictionarios I-N e N-I e anque le lista supplementari del IED ha essite facite super dischettos per mi computator. Dunque un publication in le Internet es possibile. Salutes de Piet Cleij