Frank, in le antiquitate le gnosticos era un gruppo multo grande e secundo le prelection radiofonic que ego habeva audite illos era un del antagonistas del christianitate comenciante. Si mi memoria me ben servi, tal gruppos como le alawitas e - io crede adamitas (in i.a. Iraq) apparteni al typo gnostic. Le radices forsan era in le religion perse con duo fortias un mal e un bon. Assi nostre mundo era create per le fortia (deo) mal! Forsan isto es le radice de tal ideas in varie epocas del christianismo in le qual on ha pensate que le mundo quotidian (secular si vos vole) es mal dumque solo le vita in le spirito (in le culto religiose) es bon. On diceva in le prelection que le gnosticismo es multo popular in le Statos Unite e que illo es un parte integral del etate nove (New Age). On diceva que illo era fortemente representate sur le rete. Benque on parla multo del gnosticismo nos non sape multo in re illo. Quasi le victor (le christianismo) scribeva le historia. SED IN le anno 1945 un scientista incontrava partes de un manuscripto in Egypto e ille manuscripto era studiate per le recercatores. Se dice que isto es le sol fonte original que nos possede del gnosticismo. Forsan lo que me fascina in le gnosticismo es le grande movimento celate in le mesme maniera que nos fascina le myto Atlantis o le 13 (o forsan 12) imams celate in le mundo del shiitas. Gnosticamente Kjell Rehnstroem Vaenortsgatan 87 S - 75264 Uppsala email: [log in to unmask]