Io e mi sposa es frantic in cercar pro un nove casa. Nos jam ha un emptor pro nostre casa currente, e nos debe quitar le casa le 15 de julio. Nos va mover al latere nordwest de Atlanta. Currentemente le melior casas nos ha vidite es in le region al oriente de Marietta, un citate presso Atlanta. Nos cerca pro un casa similar al nostre, un "rancho" con basamento. Isto es un casa con le primari spatio pro viver super un nivello. Le cocina, le salon, 3 o 4 cameras a dormir, e le camera del familia (ubi on lege le jornal e observa le television) es super un nivello. Mais iste stylo de construer le casas non es popular hodie. Le juvene familias de hodie non ha le experientia de tractar un persona vetere, qui possibilemente es in un chaise rolante. Il es importante que il non ha un scala pro entrar le casa. Post iste multe annos mi sposa poteva portar le specierias directemente del porto del automobile a in le cocina sin ascender alcun scala. Como veteres nos vole un similar casa nove. Stan Mulaik