Car interlinguaistas! FUNDO GENERAL Nostre conferentia in Strasbourg ha attrahite plure interessatos qui desira participar ma ha difficultates grande a pagar le viage e le costos del conferentia. Specialmente nos ha alcun juvene homines in Europa Est qui son ben qualificate e qui certemente va dar nos grande avantages in le futuro in le propagation de nostre lingua. Nostre administratores ha moneta pro alcun stipendios ma illo non es sufficiente pro pagar pro le personas hic infra mentionate. Nostre secretario Piet Cleij ha me consiliate scriber iste message at te. Le message de Piet a me es attachate al fin de iste message. MI MESSAGE ES: TU POTE DONAR ALCUN CENTOS DE FRANCOS FRANCESE (FF) PRO TAL STIPENDIOS. INVIA TU INTENTION RAPIDEMENTE A PIET CLEIJ E PAGA LE MONETA AL CONTO QUE PIET TE ADVISA! Naturalmente tu pote stipular conditiones pro le usage de te moneta. Ma io opina que tu debe lassar Piet distribuer lo con su bon judicamento al supplicantes. Le cosa es urgente - Piet non ha multo tempore pro tote le cosas organisatorial pro le conferentia. PERSONAS ACTUAL 1. Tania Tkachenko e su patre Alexandr, Ukraina. Monetas son reservate pro le costos in Strasbourg ma non pro le viage. Alcun de nos rememora nos iste personas qui participava in Praga. Ambe insenia interlingua in su urbe residential in classes organisate. (Io, Jan, ha donate un stipendio pro Tania ma io non pote donar plus moneta.) 2. Simona Acsinte e su fidantiato Florin Sunel es studentes romanian. Argumentos: A. Illes ha contactate Toma Macovei e ha declarate lor preste a adjutar Toma a arrangiar un viage insimul con ille. (Toma es un de nostre personas multo prominente qui ha scripte plure obras in interlingua. Ille nunc ha un nove que ille desirea presentar in Strasbourg. Ille es un vetule homine.) B. Illes son preste a contribuer al conferentia con demonstrationes de equipamentos pro ascoltar interlingua parlate via le WWW. Illes ha contactate Frank Pfaff re isto. C. Illes son active, juvene personas qui nos besonia in nostre propagation de interlingua in Europa Est. ALCUN PAROLAS FINALMENTE Tu rapide contribution es multo laudabile. Illo causara utilitate e gaudio grande. Invia tu message a Piet NUNC! Jan (qui va participar in Strasbourg e functionara como un secretario e demonstrator de Internet) -- Jan Armann Fagelstigen 21; S-904 21 UMEA, Sverige (Sweden) Tel & Fax +46 (0)90771525; e-mail: [log in to unmask] ICQ - UIN nr:785745; http://www.algonet.se/~armann LE MESSAGE DE PIET CLEIJ: > Subject: > Romanian participation > Date: > Fri, 06 Jun 1997 20:36:06 -0700 > From: > Piet Cleij <[log in to unmask]> > To: > [log in to unmask] > > > Ecce mi responsa assatis retardate: > > > Car amico, > > Iste vespere io ha legite tu message del 4 de junio super le romanianos. Io esseva absente durante tres dies, proque mi sposa e io ha facite un excursion a bicyceletta in le nord de nostre pais (Frisia). > > Naturalmente io es plenmente de accordo con tu plano de adjutar financiarimente le romanianos. > > In iste momento nos ha distribuite le capaital disponibile: Pro 7 personas (1 russo, 5 ukrainianos, 1 bulgaro) le participation al Conferentia es gratuite e pro 2 personas (brasilianos) nos paga un parte del summa de participation. Il es possibile que non omne 9 personas pote pagar le visas e le viage e in consequentia non pote acceptar le praticipation gratuite. Alora il va restar moneta pro adjutar alteres. > > Ma il me pare excellente que tu executa tu idea de colliger moneta inter le membros de INTERLNG. > > Le septimana passate Frits ha inviate a Simona 3 libros: I.E.D., Interlingua Grammar de Gode e Blair, Le C.I.E.D. de Gopsill. Le FEO paga le costos. Io ipse ha inviate 15 numeros differente de nostre bulletin "Voce de Interlingua". > > Salutes amical de Piet Cleij