Heri io va dismontar mi computator pro portar lo a mi nove casa, ubi io debe facer preparationes pro usar lo. Io vole usar lo in le basamento del casa. Infortunatemente le basamento parte del casa es incomplete, e il ha pauc prisas de currente installate in locationes commode. Totevia, le basamento es plus grande que le un in mi casa previe, e isto provide pro facer un grande officina de fabricar cosas de ligno e pro mi machinas de lapidari. Io jam debeva fabricar nove partes pro le quadro del fenestra de plure fenestras. Le aqua ha entrate le ligno proque le fenestras non esseva calcate (?), e isto ha ducite al putrefaction sic del ligno del quadros. Io ha multo a facer al nove casa. Io debe installar additional prisas del telephono in le basamento a fin que io pote connecter mi modem al linea de telephono. Io debe haber un interprenditor reconstruer un muro de blocos de ligno al latere de mi entrata pro le automobile, proque le blocos alora es putrefacite. Io debe haber un interprenditor de paisage meliorar le disaquamento in le fronte del casa pro diriger le aqua via del casa. Le ration io debe reconstruer le muro de ligno presso le entrata de automobile es essential ora es proque iste mercuridi previe, justo quando io arrivava al casa in le post meredie, io trovava un grande camion in le fronte de me casa del Departimento de Aqua. Il habeva duo obreros qui ha aperite un hydrante contrafoco al fronte de mi casa pro clarificar le aqua in le tubos. Le aqua flueva a basso secundo le entrata de automobile e a un puncto ubi illo flueva al capite del muro e faceva un cavo post le muro. Le fortia del aqua ha expellite duo blocos de lingo al base del muro, lassante multe fango a fluer super le herba del corte in basso. Le Departimento va delivrar un camino de immunditia pro reimplaciar lo que esseva perdite. Stan Mulaik