Jay, Io opina que on debe differentiar inter ille individuos qui participava in le recerca general de IALA--como Thorndike, Sapir, Jespersen--e illes qui contribueva directemente al disveloppamento del lingua auxiliar mesme--como Collinson, Stillman, Martinet, e Gode. Collinson esseva le prime Director del recerca super le disveloppamento de un lingua auxiliar. Ille esseva succedite per E. Clark Stillman. Mesmo in 1945 IALA habeva plure variantes experimental del lingua auxiliar, alcun similar al esperanto, un altere similar a occidental, e un variante plus natural similar al interlingua final. Io opina que Stillman e Gode (originalmente su assistante) favorava le lingua plus natural basate super le prototypos. Il es multo possibile in mi opinion que Collinson habeva favorate un forma similar al ido e esperanto. Martinet, qui esseva brevemente le Director del Recerca Interlinguistic, prefereva un variante plus schematic. Mais ille ha evidentemente usate su position como un ponte a un position in le facultate del Universitate Columbia. Gode, qui esseva le autor con Stillman del grande reporto super un methodo pro constatar le vocabulario international super le base del prototypos, que esseva acceptate como le base pro constatar le vocabulario per IALA desde circa 1943, esseva le sol individuo con le stato e continuate cognoscimento del disveloppamentos del recerca post su establimento in Nove York qui remaneva possibilemente in a position a assumer le direction post Martinet, habeva finalmente le autoritate a complir le lingua secundo su conceptiones. Io crede que Sra. Morris debeva dar le le autoritate e un bon salaria pro prender le position de Director, proque ille jam habeva recipite un offerta de un position a un universtitate prestigiose in le Sud del SUA. Assi interlingua obteniva su forma final sub Gode. Le methodo de constatar le vocabulario secundo le prototypos non esseva in dubito mesmo in 1945. Le variantes recercate in 1945 esseva variantes in le grammatica e schematisation. Gode evidentemente favorava le variante le minus schematic. Stan Mulaik