[log in to unmask] http://www.cheshire.net/~jjbowks/langlink.html. ~~~~~~~~~~~~~~~~~~~~~~~~~~~~~~~~~~~~~~~~~~~ Deman, le venerdi io va assister un convention in Amhearst, Massachussetts, titulate "Fide in le Parola de Deo". Assi que io va es multo occupate iste fin de septimana. Iste Convention es parte de un total de 193 conventiones in le Statos Unite, e varie centos in le resto del mundo (Io legeva que in Brazil e Mexico il habera plus de 200 conventiones in cata un de illes paises). Le assistentia essera in le decenas de milliones. Le Convention in Amhearst essera de varie mille de personas. Io ha le privilegio de esser un del attendentes. Le conventiones hic in le statos essera in varie linguas: In anglese 143 del conventiones, 35 in espaniol, e 15 plus in altere linguas, chinese, francese, greco, italiano, japonese, korean, portugese, tagalog e vietnamese, e alsi in ameslan (Lingua per Signos American). Iste conventiones multinational e multilingual presentara un programma aperte al publico. Il es possibile que un de istes reuniones inter- national essera presso de vos. Cata localitate ha arrangiamentos proprie in Centros Civic e Stadios in su area. Illo es aperte al publico in le senso de que omne personas es invitate e non ha costo pro assister. Toto es facite possibile gratias al voluntarios que travalia in istes conventiones. Qui essera presente obtenera profito del abundantia de instructiones biblic, practic. In le majoritate del localitates le programma comenciara al matino (con musica orchestral) al 9:30 horas. Il habera intervistas con personas cuje vita ha essite profundemente afectate per su fide in le Parola de Deo. Alcunos relatara lor experientias in le paises ubi il ha multe comotion politic e bellic, como Bosnia, Rwanda etc. Alsi informes super como le fide supporta a personas in terras ubi le studio biblic es viste como un crimine, como in Singapore, e alcun paises arabe. Le ultimo discurso del venerdi essera "Un libro pro totos" in respecto al Biblia. Le Sabbato il habera plus discursos interessante como un titulate "Le fide sin obras es morte". Alteres essera pro adjutar nos haber un fide in Deo plus forte... "Pone Radices e Stabilita se in su Fide". E un altere es "Le fide in le Parola de Deo Conduce Nos al Baptismo". Pro le tarde in le Sabbato on considerara le importantia del fide personal in le discurso "Le Qualitate de su fide es probate ora". Le Dominica destacara un symposio de tres partes que considerara le libro biblic de Joel, includente su application al nostre tempores. Isto essera sequite per le Drama Theatric Biblic, le titulo: "Mantine tu oculo simple". E pro le termination del programma al Domenica le discurso: "Le fide e su futuro". Le Testes de Jehovah in multe paises invita a reunir se a tote le mundo in le conventiones de iste anno. Mesmo in iste mundo tribulate, milliones de personas obtine felicitate adquirente fide e cognoscemento exacto de Deo e de su Filio, e su Regno celestial, e le mirabiliose proposito pro le terra con le humanitate. Iste programma de conventiones facilitara le cognoscemento del insenios biblic e offere un opportunitate pro augmentar le fide personal in le veracitate del scripturas sancte. Omne interessate pote assistir pro un die, duo o tote le tres dies. O si on vole saper solmente como il ha un gruppo de personas que vole apprender a viver in pace e plen de fide on pote visitar pro un del discursos o mesmo le Drama. Le porta es aperte e le opportunitate pro omne es ora hic. Es que il ha un convention presso a vos? Usque tunc, con multe excitation e expectation, Jay B. P.S. io spera que mi excitation non offendera a nemo in le lista, per favor comprende que le fin del anno scholar jam occurreva e nunc il es tempore de gauder se, non solmente pro le studiantes. Heh, heh! :*)