======================= LE LINGUA DE BAYONETTAS ======================= ---------------------- LECTION III - Mangalia ---------------------- ab[Allan Kiviaho] da[970905] Mi familia passava nostre vacation in Mangalia, Romania in 1979 o 1980. Le plagia era meraviliose con arena como villuto. Romania ha enorme ressources touristic ma durante le regime del Sr. Nicolae Ceausescu le systema era troppo corruptate e le majoritate del touristas a Mare Nigre prefereva Bulgaria. Nonobstante Romania era un splendide pais in multe respectos. Durante nostre visita Romania era in stato del alarma. On timeva le intervention del statos del Pacto de Varsavia. Sr. Ceausescu habeva un villa in Mangalia. In le strata ante le villa patrollava alicun "gorillas" vestite civil habente grande pistolas sub lor brachios. In despecto de gorillas io reguardava per le palissada al jardin. Ibi io videva un soldato in un uniforme del parada. Ille se appoiava contra un arbore. Quando ille videva me, ille parlava a me con le bayonetta de su Kalashnikov. Nos hastivo promenava foras ex le loco. ---------------------- LECTION IV - Bucuresti ---------------------- Nos participava a un excursion phantastic a le Carpathos eTransylvania. Le excursion startava per aeroplano ex Constanta a Bucuresti. Le aeroplano era Antonov An-24, un soviet-fabricate plano con alas de alte. Antonov An-24 habeva multo potente turbo-props. Illo dava un terribile ruito quando illo stava sub le aerodromo. Io oculava mi marita in le altere flanco trans le passage. Illa sedeva con su bucca in un sol linea stricte e illa imbraciava con su juncturas del digitos blanc al barras protective. Le plano rolava lentemente e levava con un multo pauc acceleration. Illo volava in parve altitude preter le Dunarea (Danubio). Le vistas era phantasticissime perque le plano habeva le alas in alte. In Bucuresti nos dinava in le restaurante del aerodromo. Postea le dinar plure passageros iva al W.C. Depost multe personas remanava in le vestibulo. Un soldato iva e faceva un falcata con le bayonetta del su Kalashnikov chassante nos retro in le restaurante. Le bayonetta habeva parlate ...! -- fin Allan Kiviaho Finlandia P.S. Quando io serviva in le armea finlandese (1955--56) nos non habeva bayonettas. Nos habeva un bolt-action fusil finlandese del modello 1939. Illo non habeva bayonetta perque illo era facite como pena que on poteva usar lo como un fuste. Assi io non ha habite le occasion de parlar le lingua del bayonettas. Nostre filio Jani serviva in le armea in 1990--91. Ille era trainate como un commando-soldato (chassator littoral, un Beret Verde in le svedoparlante brigada). Ille era armate con un fusil de assalto finlandese Valmet M62. Le chassatores littoral non usava bayonetta sed un cultello pro combatto proxime. Assi nostre familia es un familia sin bayonettas.