Le 6te de junio le Tribunal Policial in Paris dimitteva le causa contra Georgia Tech Lorraine in re un un causa que representava le prime essayo to regular le lingua in le interrete. Le causa resultava quando duo guardas del lingua francese, le Association pro le Defensa del Lingua Francese e le Association pro le Futuro del Lingua Francese assereva que le Georgia Tech Lorraine violava le Lege de Toubon proque su sito in le tela transterrestre on esseva accessibile in le francese. Le Lege de Toubon prohibe le vendita de benes e servicios in alcun lingua altere que le francese, si non accompaniate per un traduction francese. Le lege esseva facite per le governamento francese in le augusto de 1994 al requesta del Ministro del Justitia del Francia, Jacques Toubon. Le facto que circa 90 pro cento de tote communication es in anglese e solmente 2 pro cento es in le francese ha preoccupate Toubon, e ille credeva que le lege esseva essential al superviventia del cultura francese. Le causa levava plure questiones importante con respecto al interrete. Le questiones se centrava super si o non le interrete debe esser subjecto al leges differente in paises differente e si o non aquelle leges debe restringer qual lingua es usate. Iste causa habeva le potential pro constatar un precedente pro le function del governamento in le regulation del contento del interrete. Nonobstante, le corte ha decidite in favor del Georgia Tech Lorraine a causa de errores procedural in le submission del causa. Assi, le majoritate del questiones central remane non decidite Un nove version del Pagina del Tela de Georgia Tech Lorraine ha essite implementate in un maniera que face possibile le accesso a informationes in anglese, francese, e germano. Usatores qui selige un hyperligamine a in un sito que non es in le lingua originalmente seligite essera avisate que le informationes illes ha selegite veni de un altere servitor in un altere lingua. Le sito del tela pote esser legite a http://www.georgiatech-metz.fr/. In le interim, le gruppos punctiliose qui faceva le cargas contra le Georgia Tech Lorraine ha continuate in lor questa pro le conservation del lingua francese. Illes ha declarate que le parola "e-mail" debe esser reimplaciate ora con le parola "mel" in transactiones commercial e governamental in le Francia. Additionalmente, le reimplacimento de 'CD-ROM' con le parola francese "cederom" essava facite obligatori desde un anno. --Scribite per Mindy Wiggins, Redactor Assistente del Novas, _Le Technique_, jornal del studentes a Georgia Tech, Atlanta. Traducite per Stan Mulaik