Io es multo consternate que nos ha perdite le spirito de bon voler e amicitate in discuter iste cosas super le hypothese de Sapir e Whorf. Io es secur que Anne ha dicite lo que illa diceva de sinceritate, e de su cognoscimento de su profession. E su observationes que certe textos in interlingua a nostre sito in le tela transterrestre possibilemente va parer, de un puncto de vista de su linguistica interne como "racialistic". <[Anne Burgi 970929] <2) Le phrase hic infra es de Ferenc Jeszensky, in su <articulo hic: < <http://www.interlingua.com/present1.htm < <"Al fin nos mentiona le alicun linguas finno-ugrian que <anque hodie existe: le hungaro, le finnese, le estoniano. < <Iste linguas non romanic - o plus tosto lor ancestres - in <le epocha in question - similemente al romaniches - non <era apte a exprimer contentos de un cultura plus alte" < <Un tal conception es typicalmente whorfian. Esque vos <crede vermente que un lingua es o non es apte a exprimer <"contentos de un cultura plus alte"? E que es un cultura <alte? E que es un lingua? Si o non le citation supra es "whorfian", io pote intender como illo esserea interpretate como un expression "racialistic", al minus ille implicitemente loca certe culturas del passato a un nivello inferior a lor descendentes moderne--un idea commun e possibilemente excusabile-- mais un idea non le minus que es "offensive" a un linguista del typo de Anne, qui vide necun distinctiones de valor in differentias inter linguas e culturas. Mais il justo es iste idea que il ha necun differentias in valor assignate a differentias linguistic e cultural pro le qual le linguistica es indebite a Sapir e Whorf--si io comprehende lor hypothese correctemente. Mi comprehension de lor hypothese, e isto es verificate per responsas a sci.lang, es que toto es relative inter linguas. Ben que secundo iste hypothese le lingua forma le superstructura super le qual on construe su conception del mundo, il ha necun valor assignate a isto, que tote differentias inter linguas e conceptiones del mundo justo es differente, e non plus que isto. Isto non es le base pro un racialismo, proque le racialismo non pote trovar appoio pro valutar un racia o cultura super un altere in iste doctrina. Totevia, io opina que Anne es correcte, que le hypothese de Whorf pare troppo extreme in assignar le causation de nostre comprehension del mundo in nostre linguas, quando le causas es plus in nostre capacitate perceptual e le inseniamento de nostre culturas in facer certe perceptiones, que solmente es plus tarde registrate in nostre linguas. On non pote inseniar un distinction in lingua sin un perception de un distinction. Il es anque ver, io opina, que Whorf ha basate su hypothese super le hopi super le minime de informationes super illos, e su conception del lingua del hopi esseva multo erronee. Assi io opina que in isto Anne ha ration. Mais isto es toto un cosa peripheral a iste gruppo, quando nos ha facite uno como Anne, qui es un juvene linguista studiante pro un licentia in le linguistica, a sentir se tanto non benvenite per forte accusationes contra su remarcas innocente. Jay es melior que io in exprime le sentimentos del corde, e ille ha dicite lo multo ben con respecto al message de Anne que illa vole quitar iste gruppo. Io certemente opina que nos poteva superar iste differentia in le opiniones super le hypothese de Whorf si nos non ha prendite offensa e non ha sequite isto per demandas de retractiones de tal calumnias. Il non esseva necesse a facer tal demandas. In certe respectos illa ha monstrate problemas in al minus un del textos a interlingua.com, mais ha exprimite su puncto de vista tote innocentemente e in bon voler. Io non sape si nos pote reparer le injuria a su sentimentos pro attraher la retro a interlng. Io certemente vole que illa retornar se. Nos pote superar iste differentias de opinion amicalmente. Stan Mulaik