Allegra! Io ha observate iste parve debatto super le theorias de Sapir-Whorf e Chomsky. Non essente ipse academico (e, a dicer le verite, personalmente non troppo interessate in le thema) io sentiva me non qualificate a inserer me in le argumento. Ergo, face favor de prender mi commentos hic infra solmente como le opinion de un laico. A mi aviso, le puncto critic ubi le cosa deveniva troppo emotional non era le question de racialismo, ma plus tosto le cosa aggravante era le problema del rolo jocate per "correctessa politic" (CP) in le pensata moderne. Io incontrava Leland Yaeger in Strasbourg e trovava ille un gentilhomine amabile. Io crede que ille es anque un academico e pensator seriose--in altere parolas plus tosto un scientista objective que un "politician correcte". Essente ipse un homine qui deveni un pauco impatiente con "correctessa politic" con su positiones orthodoxe , io suppone que Leland era irritate non super Anne personalmente sed super le influentia endemic del CP in le vita moderne. Esser human es difficile. "Nam nos omnes ha essite "incorrecte" e falle attinger le gloria de deo." (Omnes enim peccaverunt et egent gloriam Dei. Rm 3,23) Forsan incorrectemente ma sperabilemente politicamente, -- frank