[ Kjell T. ] Le corde del anglese es germanic, anglo-saxone e scandinavio (app. 20%), le parolas greco-latin es primeramente usate pro modificar e expressar finessas. >>>Forsan le anglophones son indolente proque illes "fura"<<< parolas de altere linguas in vices de construir los del radice anglo-scandinavio, ma illes ha le derecte de facer lo que illes face! [ Frank ] In accordo con mi comprehension del historia de anglese, le adoptation del vocabulario latin non era cosa de indolentia sed del conquesta. In veritate le anglo-saxo-scandinavos parlava lor sorta de "germanic" assatis puramente usque le anno 1066. In ille anno le regno saxone era conquite per le normanos de Guilliaume le Conquisitor. Il es multissime ironic que iste "normanos" era ipse descendentes de vikingos de scandinavia qui antea habeva discargate lor proprie sorta de "germanic" pro adoptar totalmente le lingua de Francia. E post lor conquesta illes importava e imponeva le lingua francese in Anglaterra. In mi opinion nos angloparlantes non ha, in general, un bon comprehension del radices de nostre proprie lingua. Un del rationes proque io ipse ama interlingua veni ex mi recognition que in interlingua nos (angloparlantes) haberea un multo bon methodo pro apprender le radices latin de anglese. Al mesme maniera io benvenirea un lingua similar planificate basate sur le linguas germanic. Le studio de interlingua e, eventualmente, de "intergerman" haberea grande valor pedagogic in le mundo angloparlante, io pensa. E un altere idea... Io suppone il serea interessante prender le intergerman e subjecta lo a un conquesta per interlingua. Altermente dicite, facer in modo planificate un repetition del conquesta norman de 1066 e combinar le intergerman simplificate con le interlingua simplificate. Serea fascinante vider le resulto--un germano/latino rational e forsan non "cancerose". -- frank -- frank