Salute Allan e le altere! Primarimente: gratias, Greg pro te corrections. Io me meliorara. A Allan; io non ha problemas de comprender que on in Finlandia ha grande dubita re le removation del minas antipersonales del tote le mundo. Tamben in Norvegia iste dubita existe. Io es sub-officiero in le armea norvegiano de plus que vinte annos, e sape ben le importantia militar de iste armas. Durante que Finlandia in le Secunde Guerra Mundial era attaccate per le Union Sovjetico, Norvegia era attaccate per Nazi-Germania. In ambe casos parve paises era attaccate per superpotentias e suffreva enormemente de lor manco de armas. In le caso Norvegiano, nos habeva 7 aviones re le Prime Guerra Mundial de usar contre Luftwaffe e non un sol carro blindate! E Allan, io ha perdite membros de mi familia in iste guerra como tu tamben. Io non crede que le minas antipersonales qui Finlandia in un caso critic ha besonia de plantear como defenso de un attacco del est es un problem. Le problem con minas antipersonales es que illes multo sovente en conflictos interne del tertie mundo son planteate sin alcun ha resposibilitate de saper ubi illes se trova e qui nulle prende le responsabilitate de lor elimination. E iste resulta que in paises como Angola e Cambodia, in plus que le suffrentia human, un tertie del terra es inhospitabile pro humanos e iste evidente ha le consequentia que tu ideas de guerras futur como un consequentia de manco del ressourses essential veni plus ante que necesse. Io non accepta tu pretention que iste minas son un arma de defenso; hodie illos es forsan plus usate como armas terrorista contra le gente civil del tercer mundo, del parte de superpotentias e del parte del differente gruppos "liberatores" interne del paises. Le resultato es equalmente terribile pro le population civil del territorios affectate. Ma io tamben crede que paises como Finlandia, e forsan Norvegia, qui son vicinos de un superpotentia qui in le futuro pote ser aggressiva ha besonia de un approvision de minas pro solmente uso defensiva. Le condition in iste caso deve ser que iste armas solmente son usate per un governamento reponsibile qui sape ubi le minas son e qui pote le remover assi tosto que possibile! Sinceremente, kjellt. P.S. Io tamben sape que presidente Yeltsin es impulsive ma ille es testa de uno del plus potente statos del mundo e io crede que on deve prender ille sur su paroles e demandar que ille face lo que ille ha promittite!