Salute Anne! Io es convincite que in le futuro il essera plus de feminas in le lista. Ecce pro que: 1. Feminas es plus bon in linguas. Habente inseniate svedese a estranieros durante plure annos io ossa dicer que feminas apprende linguas multo plus facilemente que viros. Illas generalmente scribe plus interessante essayos et cetera. 2. Io ha audite expertos qui es del opinion que feminas in general es plus dextere quanto a linguas a causa de lor cerebro. On dice que illas ha un plus grande centro de parola, si il vermente existe un sol tal centro. 3. Un inquesta que nostre radio national reportava hodie e hieri le feminas es illas qui porta nostre cultura del teatros e belle litteratura, concertos etc. 4. Io poterea creder isto pro duo rationes. Io participava un conferentia de scientiafiction in 1978 (si io me non equivoca) ubi un grande proportion del personas era - feminas. 5. Quando le scriptor Czeslaw Milosz recipeva le premio nobel in Svedia ego participava proque io habeva traducite un de su libros, in un arrangiamento. Ibi le grande majoritate era FEMINAS. Tanto que lo que le inquesta scribeva, certo es ver. Conclusion: In respecto a lo que se incontra in supra io es convincite que il essera plus e plus feminas qui va adjunger se al lista. Amicalmente Kjell R. Explicator objective :-)