Car amicos, Io va probar esser plus clar in le futuro nominante le personas a qui le messages son dirigite. Io sequera le consilios multo amical que esseva date in le ultime dies in le forum. Il sembla que Natal ha un certe fascination in iste loco, ergo io va parlar del cultura quebequense un pauco hic. Natal es multo musical in le cultura quebequense. Antea, contos esseva multo popular, con le diablo como inimico e un homine de fide como le defensor del grege. Le contos esseva sin dubita multo popular a causa del longe hibernos e del frigiditate extreme in iste region. Le homines esseva obligate a remaner in domo pro recalider se, circum un igne rubie, le fenestras coperite de nive glacial e rigide. Un puncto amusante del cantatores quebecquense in re natal es que quando illi prepara lo, le projecto incipe in primavera, le cantiones son practicate dum le estate, sub le calor aride del sol de junio o augusto, e le disco finalmente sorti in hiberno. Pote vos imaginar un persona cantar in un costume de ban "Natal, natal" apud verde arbores e flores perfumate? Io ride justo al pensata! Saluta vos ab Quebec Marteno Lavalea ______________________________________________________ Get Your Private, Free Email at http://www.hotmail.com