crede que le aranea que vos attaccava esseva un tal, proque su region de extension es generalmente in le Sud. Nonobstante io rememora un saison de Natal quando mi patre e matre nos visitava in Chapel Hill, Nord Carolina (ubi io esseva un juvene professor). Nos legeva in le jornal que un homine ha essite mordite a le campo de un universitate in Winston-Salem, e que le aranea esseva definitemente un aranea brun recluse (Loxaceles reclusa (?)). Isto suprendeva mi patre, proque Nord Carolina esseva foras le region de extension pro le brun reclusa. Le articulo in le jornal indicava le nomina del biologo local qui ha identificate le aranea per specie, e nos le telephonava. Ille esseva excitate a apprender que mi patre, qui esseva le coauthor del articulo que describe initialmente iste aranea como un nove specie esseva disponibile pro verificar su identification del specie de iste aranea. Nos viagiava a Winston-Salem, anque pro satisfacer me matre, proque Salem habeva un section nominate Salem Antique que esseva initialmente establite per colonistas de Moravia, e mi matre, qui esseva del familia de DeMuth, cognosceva que alcun de su ancestres esseva de Moravia. Il esseva un bon die pro visitar Winston-Salem. Post visitar le village de Salem Antique, ubi nos discoperiva que un venditor de tabaco in le village habeva le nomine de DeMuth in le 1600s, nos telephonava le biologo qui identificava le aranea como un brun reclusa. Ille invitava nos a visitar le a su laboratorio e anque a un museo ubi le homine mordite habitava un camera in le nivello secunde super le museo. A le museo nos observava que on ha un exhibit super le aranea brun recluse, inter altere cosas. Le biologo veniva e duceva io e mi patre al camera al nivello secunde. Ille diceva que le homine, un juvene studente, habeva un lecto super le plano del camera. Ille ha tornate se in le lecto quando ille sentiva le aculeo. Ille immediatemente videva le aranea, e lo attrappava. Ille recognosceva que illo esseva un brun reclusa, exactemente como le araneas in le exhibit al prime nivello in le museo. Illo habeva le mesme designo de un "violino" super su dorso, que es un characteristica de iste specie. Ille immediatemente vadeva a un clinica con le aranea pro reciper tractamento. (Le aculeo de iste aranea es multo mal. In effecto illo injice materia de su glandas de tela, que es portate a su chelicera (bucca) per un tubo in su thorace ventral. Le tela es un substantia de proteina, que nostre corpores reage contra violentemente. Le piccar induce un substantia que es multo difficile pro le corpore a eliminar e le injuria dura. Mi patre ha suggerite a medicos que illes tracta le injuria immediatemente post le piccar con un enzyma contra proteinas, como le retsin in nostre stomachos, que es anque disponibile a specieras in le forma de tenerizator de carne. Isto va disintegra le proteinas del tela. Le biologo subsequentemente duceva nos a su laboratorio a vider le aranea, con alteros que ille attrappava al mesme sito. Il habeva necun dubita quando nos videva le araneas que illos esseva brun reclusas. Mais illos esseva multo plus grande que mi patre rememorava le specimenes que ille attrappava previemente. Ancora illos habeva le mesme "violino" super le dorso. E illos esseva un brun jalne. Proque iste araneas a iste loco foras lor region de extension? Il passava que le museo esseva le sito de un antique casa de cochis al estate del familia de R. J. Reynolds, que ha essite date al universitate pro servir como su campo. (Iste familia es multo ric, habente facite lor fortuna in cigarettas, e.g. Winstons, Salems, Lucky Strike...). On cognosceva que un familia visitava le famila de R. J. Reynolds de Arkansas circa 50 annos previemente. E lor bagage esseva mantenite in le casa de cochis que hodie es le museo e le sito ubi le juvene studente habeva essite mordite. Mi patre e le biologo hypothesizava que le araneas veniva in le bagage de Arkansas, que esseva in le region de extension del brun reclusa. Illes ha escappate e habitava le region in e circa le casa de cochis, que deveniva le museo. Le brun reclusas non esseva trovate a alcun altere location del campo o le citate. Mi secunde conto de un piccar del aranea es con respecto a mi filio magne (fil. mag.) Stephen. Ille habitava un dormitorio al campo de Georgia Tech. Un die ille telephonava nos a dicer que ille ha essite piccate (mordite) per un aranea. Ille non habeva attrappate lo, tamen. Le morsura esseva super su coxa, e illo esseva multo inflammate e tumefacite. Nos essayava a poner le tenerizator de carne super le morsura, mais il esseva multo horas post le morder. Nos inviava le al medicos al centro medical al campo. Su medico esseva un medico juvene recentemente retornate de Viet Nam. Ille diceva a mi filio que frequentemente le morsuras de araneas injice bacteria in conjunction con lor veneno, e isto induce infection. Il es necesse a tractar con le antibioticos. Nonobstante, in un septimana mi filio habeva un cave in su coxa circa 1,5 centimetros in diametro e un cm profunde. Io non cognosce si isto esseva un brun reclusa. Plus tarde mi filio attrappava un altere aranea que ille diceva esseva similar al un que ille opinava le mordava. Illo es un grande aranea lupo, que es commun. Ben que su morsura non es fatal, apparentemente illo es infectuose, e possibilemente illo anque injice proteinas estranie que crea un reaction major del corpore al sito. Assi, Jay, que es vostre historia del incontro con un aranea? Stan Mulaik