Salute Ensjo, io legeva iste libro ante multe annos. Primo in un traduction svedese e postea etiam in le original anglese. Se dice que Orwell scribeva iste libro in le tempores del prender le poter per le communistas in Europa oriental, e on es del opinion que 84 era cambiate le cifras pro le anno 1948 con le Colpo in Praga i.a. In mi annos formative ille libro faceva un enorme impression a me. Il esserea interessante in qual grado Orwell scribeva in un tradition litterari o como un reflexion del realitate. Ambes, probabilemente. Simile motivos, description del stato omnipotente e le parve humano qui face rebelion in illo es le russo Zamyatin con le romance My (Nos) e le svedese Karin Boye. In le libro de Zamyatin le individuo face rebelion contra le collectivo. Toto in le stato es technologicalmente excellente. Toto es regulate. Le population face toto collectivemente. On preca permission pro tot que on vole facer. Pro sexo on da le cartas rose al autoritate concernente e on recipe le permission haber sexo con le persona indicate. Il ha nihil rational. Iste libro era scribite in le annos 20 in le juvene Union Sovietic e era - a mi aviso - prohibite durante multe annos, viste que le stato se sentiva - forsan non sin causa - depicturate in le libro! Karin Boye: Kallokain (forsan Kallocaina o Callocaina). secundo le nomine del imaginate inventor Leo Kall (si io me ben recorda) qui in le romance inventava un droga de veritate. Le stato in le qual Callocaina se disveloppa es un stato altotechnologic e totalitar ubi le policia de pensamento controlla omne le "consoldatos" qui es ingagiate in un gerra total e eterne. In le population il ha un movimento organisate in cellulas isolate. Un cosa importante es que le membros debe exercer confidentia un al altere. On non debe haber timor coram su conhumanos. Finalmente le ego del romance es sequestrate per fortias inimic, e nunc ille side como un prisionero presso le inimico e scribe su memorias. Il me pare que le libro es traducite al grande linguas cultural.... Kjell [log in to unmask] Kjell Rehnstroem Vaenortsgatan 87 S-752 64 UPPSALA Suedia - Sweden