Kjell, Io ora recerca le familia derivational de "leger" in interlingua. Il pare que necun del linguas fontal hodie usa ille parola, ben que illes usa derivativos de illo, sovente in formas multo distorquite, pro le mesme signification. Essentialmente, le argumento del IED es que si nos ha un ben establite systema de affixos, e nos pote constatar un thema in qualcunque derivativo de un serie, nos pote reconstruer a in le lingua tote constructiones derivational antecedente a iste derivativo, si al minus un lingua fontal ha le derivativo. In le linguas fontal "eliger" es ben constatate per al minus tres linguas fontal (mesmo per le anglese "eligible"), e isto constata -lig-, e isto con le affixos ex-, se-, con-, re- constata eliger, seliger, colliger, recolliger, etc. In effecto nos pote reproducer le familias derivational del latino. Ora nostre argument debe esser que si leg-/lect- e -lig-/-lect- es themas international (como in eliger e election), e si le systema de affixos es international (per parer in milles de parolas trans le linguas fontal), nos pote reconstruer le complete serie effectivemente del latino in le vocabulario international. Ora, io vole que Steinar va avisar nos si in general solmente certe suffixos esseva usate con le prime themas e alteros con le secunde. Per exemplo, nos pote dicer "eligibile", mais proque non "eligition" o "eligimento". Es le incerte in como a crear nove parolas del affixos e le themas duple tanto grande como le criticas dice? Stan Mulaik