> [ Ove ] > > > pro un certe concepto > > [ frank ] > Io observa que multe membros ha le tendentia a usar le parola "certe" con > un signification non del "certitude". Essente anglophono, io ipse ha iste > tendentia gratias a le uso de "certain" in anglese. Per exemplo, le titulo > del "A Certain Smile" non vole dicer que le surriso sia in qualcunque > maniera "certe", sed que il se tracta de un certe genere de surriso. > > Esque le altere linguas ha un parola como iste "certain" del anglese? Como > on poterea explicar iste signification de "certain"? > > Non-certemente, > -- frank > [ Ove ] Pro un momento tu me faceva incerte, Frank, ma io controlava in mi dictionarios de francese, italiano e espaniol (io non possede un portugese), e omnes usa le parola certain/certo/cierto in constructiones como "un certe concepto". Io volerea dicer que le ration pro iste uso del parola es que quando on dice "un certe cosa", le cosa es de facto certe (fixate), on solmente non indica de qual cosa il se tracta. Io lo trova multo fascinante que non solo le parolas, ma anque le glissamentos del significationes es sovente international. P. ex. io scribeva, pensante in svedese, "un par de questiones", e postea deveniva incerte si isto es bon interlingua, ma trovava a mi surprisa que le italiano ha "un paio di...", le espaniol "un par de..." e le anglese "a couple of.." in le senso "alicun ...". Io me demanda si isto significa que le pensata human ha su proprie logica, independente del linguas? Ove [log in to unmask]