Ove Hanebring wrote: > > > > Nostre problema es que Anne usa le parola 'adverbio' pro le notion que io > hic appella 'adverbial', lo que confunde nos alteres. (E possibilemente > anque 'adjectivo' pro le notion 'adnominal'?) > > Si nos qui usa le parola 'adverbio' solmente como un classe de parola pensa > "adverbial" quando Anne dice "adverbio", io crede que nos actualmente es de > accordo totes. > Car Ove, Lo que tu vole dicer con "adverbial" pertine al analysa del functiones (subjecto, objectos, etc.) e non del natura del parolas, e tu crede que io parla de functiones, quando io parla de adverbios. Tu pensata es interessante, ma regretabillemente il non es ver : quando io parla de un adverbio, io parla del natura del parola, de su categoria. In linguistica, le terminologia pro le natura del parolas es commun pro le categorias. Le variation de terminologia afficite solmente le subcategorias, ma de maniera minimal, e illo non face un problema de comprehension inter linguistas. Io sape que illo es difficile de comprender que un parola categorisate in le classe X per le grammatica traditional, pote esser categorisate in le classe Y per le linguistica. Il ha plure casos similar. De plus, le categoria del adverbios es un categoria plus difficile. Quando io commenciava mi studios de linguistica, le secunde anno nos ha habite le curso de grammatica descriptive. le prime cosa que io ha apprendite esseva que le "adjectivos possesive, demonstrative o indefinite" non esseva adjectivos. Io pote dicer te que io esseva vermente surprendite. Ma quando le professor nos ha facite le demonstration secundo criterias formal, io esseva convincite. Amicalmente, Anne