Reporto de Novas: 18-02-98 *Algeria: Dialogo con le Parlamento Algerian debe esser prosequite. Brussells, 18 februario 1998 Algeria: Le Dialogo con le Parlamento Algerian debe esser prosequite. A un conferentia de pressa a 18 februario sequente le retorno de un visita a Algeria (8-12 februario) del Delegation Ad Hoc de Parlamento a Algeria, Andre SOULIER (EPP,F) e Hannes SWOBODA (PES,A), presidente e vice-presidente del delegation, respectivemente, diceva que le membros del delegation esseva toto de accordo que le dialogo con le Parlamento Algerian debe esser prosequite. Le delegation ha essite persuadite per su visita, diceva Sr. Soulier, que un democratia ora se emerge in Algeria e que on debe appoiar lo. Possibilemente illo ha necun futuro, mais, si illo lo habeva, il esserea un error grave non a caper le opportunitate. Resultatos immediate e practic non es a esser expectate. Un processo politic ha essite ponite in motion que pote accelerar le arrivata del democratia. Necuno pote dicer ubi le dialogo va ducer se. Sr. Soulier diceva que ille esseva secur que le flamma del democratia ha essite ignite. Alcuno qui lo extingue esserea a falta. "Nos appoia ni le Governamento Algerian ni le opposition," ille addeva. "Nos va remaner aperte de mente mais ancora vigilante. Nos appoia le democratia." Le delegation, que esseva establite sukper le base de un resolution del Parlamento a le 18 septembre 199x, discuteva tote questiones extensivemente pro duo dies con tote le partitas representate in le Assemblea National del Populo (ANP) eligite in junio 1997. Illo habeva incontros con le Prime Ministero, Sr. Ahmed OUYAHIA, e le Ministero de Affaires Estranie, Sr. Ahmed ATTAF. Le altere dies del visita esseva dedicate a discussiones con un serie de representantes del societate civil. Le objecto habeva essite a construer pontes inter le EU e Algeria. Isto, secundo Sr. Soulier, esseva attingite del puncto de vista del delegation - un evenimento cruce, il non importa qual fragile iste ponte poterea esser. In le discussiones al Parlamento Algerian (vide Reporta de Novas 16/98 e 17/98), tote le algerianos, includente illes del parte del governamento, parlava con total libertate. "Illes resolveva tote nostre questiones, mesmo si le responsas variava in le grado de lor completion," ille addeva. "Illes diceva a nos que illes cognosceva que le regime industrial- militar non esseva correcte pro lor pais. Illes diceva que illes exigeva le tempore pro imponer institutiones democratic. Lassa nos abandonar alcun idea que in Algeria tote le mundo es de accordo con le governamento." Sr. Soulier mentionava le establimento per le ANP de un committee de inquesta a in le fraude al electiones municipal e le multo animate debato del securitate que durava septe horas in le prime de februario in le qual le governamento ha essite criticate. Le Parlamento e su delegation in Algeria non jammais demandava que un Committee de Inquesta International sia establite, addeva le presidente del delegation. In su opinion, il non esseva le responsabilitate del EU a solver le problemas del algerianos. Del altere latere, le algerianos qui le delegation habeva incontrate habeva essite preparate a discuter liberemente le situationes de derectos human in Algeria e Europa. Le Ministero de Affaires Estranie algerian, Sr. Ahmed ATTAF, habeva dicite al delegation que un reporto esserea submittite in martio al NU Commission de Derectos Human per le ONDH (Observatores National del Derectos Human). "Nos recipera un exemplar del reporto e nos discutera lo con nostre contrapartes algerian. Nos ancora va usar le documentos date a nos in Algiers." Super le subjecto del terrorismo, Sr. Soulier diceva que necuno de illos a qui le delegation ha parlate habeva essayate a levar le question de qui occide qui. De plus, necuno, quando parlante al delegation, habeva indicate le armea. Un incontro occurreva con Sr. MEZIANE, Presidente del Consilio Islamic, Mgr Henri TEYSSIER, archiepiscipo de Algiers, e Patre DANYS GONZALES. Durante le incontro, un parlante habeva dicite "Non continua a demandar qui occide qui. Nos cognosce qui illo es. Algeria non necessitate del judicamento - illo exige le adjuta e le intendimento." In le curso del discussiones, le autoritates algerian ha essite questionate si le responsa del armea al massacros ha essite bastante prompte. Membros del governamento habeva respondite que le Algeria debeva tractar un forma del terrorismo que esseva in cambio constantemente e que illo non esseva facile de adaptar. Le autoritates assereva que le plus tosto que illes poteva establir le fortias del policia, le tosto que illes esserea capace de disarmar le populo. Le algerianos insisteva que le embargo super armas contraterrorista faceva lor carga plus difficile. Un altere puncto notate per le delegation esseva que tote le contactos algerian regrettava le manco de un general association inter le UE e le Algeria. "Il es de facto necun tal association," diceva Sr. Soulier, "e nos debe adjutar a fabricar un coherente politica general inter le duo lateres. In addition, le IMF e le altere institutiones debe, potesser, esser demandate a applicar conditiones plus flexibile a un pais que ha tal problemas." Le UE debe accognoscer que "modellos preconcipite es un cosa del passato," continuava le presidente del delegation del Parlamento. Le Algeria, ille diceva, es al confluentia del modernitate occidental e le traditiones del mundo arabo-moslem. Le Islam esseva su religion. Un cosa esseva clar: le question esseva extrememente difficile. "Le securitate del basino Mediterranee es a risca e nos non pote solver le problema pro le algerianos." Al fin del subsequente septimana, Sr. Soulier va submitter un reporto a Sr. Jose Maria GIL-ROBLES, Presidente del Parlamento Europee e Sr. Tom SPENCER (EPP,UK), presidente del Committee de Affaires Estranie. Sr. Gil-Robles alora va decider qual action on debe facer. Le contactos con le Algeria essera mantenite per le Delegation del Parlamento pro relationes con le paises Maghreb, presidite super per Mireille ELMALAN (EUL/NGL, F) e le presidente del delegation ad hoc va participar. Le delegation jam plana a invitar le Membros del Parlamento algerian de tote partitas a visitar le Parlamento Europee ante le estate. NOTA: Partitas representate in le ANP: Governamento: RND (Rally National Democratic) FLN (Fronte de Liberation National) MSP Movimento del Societate pro le Pace Opposition: RCD (Rally pro le Cultura e le Democratia) PT Partita de Laboreros MN Movimento ENNAHDA >>>>> Traducite per Stan Mulaik