Jay scribeva: > ~~~~~~~~~~~~~~~~~~~~~~~~~~~~~~~~~~~~~~~~~~~ >Un del problemas con le lingua anglese es le >facto que illo es multo difficile de pronunciar lo... Seque un historia de Far Eastern Revew, was it? Durante mi tempore como inseniante de svedese a adultos, in mi prime gruppo io habeva 5 thailandeses. In thai il ha implosivos in vice de explosivos como in nostre linguas. Isto significa que un thai pote pronunciar un _p_ non per expirar le aere sed facer un implosion! On simplemente ferma le labios e isto es lo! Mi studentes thai habeva naturalmente le mesme problema con le svedese - ma inversemente! Le parola thai pro _dece_ es _sip_ e io audiva sempre solo _si_! Ma le thailandeses poteva audir si io diceva _si_ o _sip_ per un implosion. Pro un homine adulte - habente plus que 12 annos - il exige multe labor apprender audir le implosivos e logicamente pro homines de Asia sud-est il es lo mesme. In ille tempore io habeva facite mi prime contactos con interlingua e io pensava a vices, an interlingua esserea plus clar in lor buccas que le svedese. Un persona qui solmente sape le svedese essente in mi etate haberea TREMENDE difficultates apprender cata lingua estranie includente tal linguas facile como interlingua e esperanto! Si tu del altere latere ha apprendite le mesme typo de linguas como juvene le cosa essera multo plus facile. Ergo, si thailandeses in le etate de 9 annos apprenderea interlingua illes haberea le plen accesso al linguas europee e bon adjuta in le apprender de anglese postea, lo que essera necessari in nostre tempore. E inverse naturalmente, si infantes europee apprende thai o cantonese in le etate de 9 annos illes habera un bon fundamento pro su apprension de linguas simile in etate adulte. Forsan lo plus importante del inseniamento del infantes tunc non es le plen apprender de un massa de linguas, viste que le mer acquisition del lingua maternal es un processo exigente plus de energia que nos pote imaginar e pro isto non pote esser disturbate de troppo de input ex altere linguas, ma que on es equipate per un arsenal phonetic e structural pro uso futur - si on se trova in le situation ubi on debe apprender un lingua sud-est-asiatic. Kjell [log in to unmask] Kjell Rehnstroem Vaenortsgatan 87 S-752 64 UPPSALA Suedia - Sweden