Pro me le fundamentalismo es periculosemente presso devenir le idolatria que tracta le finite como un preoccupation ultime. Io solmente dice "presso" proque io sape fundamentalistas qui io admira proque illes non ha succumbite al tentation a levar le elementos finite in lor religion a un preoccupation ultime. Le finite es solmente un medio per le qual illes approcha le infinite, justo como tote aspectos finite del vita media a nos a omne instante le fundo incomprehensibile de nostre existentia. E tote aspectos del vita anque presenta le tentation a tractar iste o ille aspecto finite como un preoccupation ultime e infinite--le moneta, le acquisition del poter, le sexo que deveni un idolo que on seque. Mesmo le ecclesia pote devenir un idolo quando su affaires finite in le mundo deveni de prime preoccupation, o iste o ille comportamento in illo se deveni de importantia prime. Lo que salva multe fundamentalistas del idolatria es le amor de Deo que duce les a transcender le elementos finite in lor fide. Quando io parla del fundamentalismo io non refere al justo le christianitate, mais a tote religiones que ha lor adherentes fundamentalista. Le fundamentalistas de qualcunque fide emphase le importantia ultime de certe doctrinas, de certe comportamentos, de certe rituales, de adherer a certe institutiones, de sequer iste o ille propheta, o usar iste o ille libro sacre, e in facer lo, veni periculosemente presso si non al idolatria. Stan Mulaik