Car amicos,

Le sol sport del Jocos Olympic que me interessa es le patinage de velocitate,
del qual io cognosce le participantes nederlandese e un numero del alteres.
Hodie io ha vidite al television le curso de 10 000 m. Le resultatos  esseva
meraviliose. Quatro patinatores ha meliorate le record mundial del
norvegiano excellente Johann Olav Koss de 13.30.55. Le grande campion es
le nederlandese infatigabile Gianni Romme con le record mundial incredibile
de 13.15.33. Le ganiator del argento es un altere nederlandese, le juvene
Jan Bosch, con 13.25.76. Le bronzo es pro le frison Rintje Ritsma qui ha
concludite su curso con 13.28.19.

De novo io ha vidite un sport que io ipse ha practicate durante multe annos e
que io considera como le plus belle de tote le sports. Io admira non solmente
le patinatores nederlandese, ma anque le japonese agile Shimizu, le plus
rapide del 500 m, le norvegiano musculate Sondral qui ha ganiate le auro
del 1500 m, un altere ganiator del auro del 1000 m in Nagano, le frison
Ids Postma, e naturalmente le grande victores del passato como le norvegiano
sympathic Johann Olav Koss, le grande americanos Eric Haiden e
Dan Jansen e multe alteres.

Salutes amical de Piet