LE MYSTERIO DEL ORIGINE DEL NOMINE BRASIL (Revista Superinteressante, Fev 1998, pag. 45) Dice le tradition que le nomine Brasil veni de ligno-brasil, ligno color-de-brasa. [Ensjo informa: iste arbore existeva in grande quantitate in Brasil in le initio de su colonization.] Ma le tradition es insufficiente quando se sape que, desde 1339, le nomine Brasil appare in mappas. [Ensjo informa: Brasil ha essite discoperte (officialmente) in 1500.] In le seculo 14, le planispherios del cartographos Mediceo, Solleri, Pinelli e Branco monstrava un Insula Brasil, sempre a west del Açores. [Ensjo informa: parvissime, e totalmente lontan del position del Brasil real.] Le historico brasilian Sérgio Buarque de Holanda credeva que le origine del nomine es un legenda celtic que parla de un "terra de delicias", vidite inter nubes. Le prime carta geographic ubi appare referentia secur al Brasil real es le mappa de Cantino. In illo se pote vider papagais, forestas e le contorno del litoral desde nord usque sudest. Le travalio era commandate per le spion italian Alberto Cantino, in 1502, a un cartographo de Lisboa e inviate a su senior, le duc de Ferrara. Es un mysterio como illo ha essite facite. Post toto, le unic viages official de espanioles e portugeses a Brasil usque 1502 ha essite los de Vicente Pinzón, al estuario del fluvio Amazonas, e Pedro Álvares Cabral, usque ubi hodie es Bahia. Como explicar alora le presentia, in le carta, del designo del litoral desde Cabo Frio usque le Amazonas? Fructo probabile del subornation del cartographo, si on reguarda le conto "salate" presentate per Cantino al duc, le mappa rende clar que il ja habeva cognoscentia profunde del terras a west del Atlantico. Ultra 4.000 kilometros de litoral brasilian, appare in le mappa Florida, Terra Nove (hodie Canada) e Groenlandia. -- ENSJO*: EMERSON JOSÉ SILVEIRA DA COSTA E-mail : [log in to unmask] [<Ø>] Brasil! Homepage : http://www.nautilus.com.br/~ensjo/ Telephono: (091) 231-5740 // +55 91 231 5740 UIN ICQ : 713833 [* "sj" pronunciate "sh"] INTERLINGUA - lingua auxiliar international Info : http://www.interlingua.com Grammar : http://www.nautilus.com.br/~ensjo/interlingua/english.html