PRESTE PRO LANCEAR LE MONETA NOVE Con Le Ministero Estranier de Grande Britannia, Robin Cook, quando ille dice al MPEs del fidantia del Regno Unite al preparation del via a un lanceamento succedite del euro a 1 januario 1999. PE Novas examina le questiones e le evenimentos anticipate. Robin Cook in su adresse al MPEs reaffirmate: 'Britannia va esser in le sede quando le decision cruce es facite in maio. Nos va interprender iste responsabilitate con le maxime de nostre poteres, plenmente e scrupulosemente in un maniera que monstra le approche constructive de Europa a su melior. Nos vole que le union economic e monetari va succeder. 'Britainnia mesme non essera in le prime rango, mais illo non significa que nos ha necun interesse in le successo del union monetari. Nostre economia es ligate a illo del continento e nos ha omne ration pro laborar pro un lanceamento succedite.' Intertanto, le parliamento iste mense da su approbation a plure reportos intendite a facilitar le introduction del euro. Le MPEs recognosce que le euro va haber un effecto profunde super le mercatos capital de Europa. Con le decision del Francia, Belgica, le Nederlandia, e Germania a convertir debito existente e nove in euros post 1 januario 1999, isto agera como un stimulo a crear un mercato unificate europee in obligationes. On pote expectar anque que le euro va securar un parte del commercio international presentemente conducte in dollares. MPEs anque appoiava un reporto ponite super le agenda per Ingo Friedrich (D, EPP) qui appelava a un relaxation de regulas national super fundos private pensionari de investimento private pro facilitar le investimento in le nove eurozona. Sr. Friedrich signalava con precision le exigentia pro le elimination de distortiones de taxas, le unification del mercatos de securitates e le introduction de un single lege UE de companias. Ministeros de financia UE, normalmente le plus reluctante de leaders governamental a accordar se a regulas obligatori super questiones financiari, ha recognoscite le impacto imminente del moneta per accordar se super un codice voluntari del taxation. Avisores de investimentos international como le firma de Moody jam predice que le establimento del union monetari va ducer a un accrescimento considerabile in transactiones financiari transbordal e fusiones commercial, con prospectos particularmente favorabile pro le servicios bancari institutional e detaliari. Le introduction del nove moneta intialmente va influentiar institutiones financiari e grande firmas in loco de consumitores. Transactiones non liquide, includente transferimentos electronic de moneta, debito directe, e pagamentos de cartas de credito pote esser denominate in euros post 1 januario 1999. Il anque va ducer al creation de un single mercato in servicios financiari in le eurozona. Isto va significar un crescimento in activitate bancari transbordal e altere productos financiari tal como polissas de assecurantia e hypothecas. Il es possibile que institutiones financiari va provider prestos e hypothecas in euros durante le periodo transitional. On anque expecta que un moneta stabile va producer taxas de interesse reducite sub illos currentemente prevalente in le Regno Unite, ben que isto non significa que illos essera passate a prestatarios. Bancas e institutiones financiari es ben cognoscite del necessitate a mantener taxas competitive pro attraher sparniatores. Mais le establimento del confidentia in le euro intra le cititanos trans le Europa es le problema primari de leaders in le UE. A parte de lor manco de cognoscimento del aspectos technic del introduction del euro, il non esserea suprendente si cititanos e consumitores esseva confundite per le integre debatto in le UME, date le punctos de vista largemente divergente e contradictori tenite per economicos, commerciantes, e politicos super le desirabilitate de un single moneta del typo previdite sub le Tractato. Ni ha le processo essite facilitate in le oculos del cititanos per le fortunas fluctuante del processo ducente al UME que ha addite al incertitude circa le introduction del moneta single. Le incertitude super qui essera e qui non essera in le prime unda de membro statos participante ha anque impedite le processo. Le variation de grados de appoio pro le moneta single indica que timores e anxietates super le introduction del euro varia inter membro statos. In iste circumstantias, autoritates regional e national es in le melior position pro responder al anxietates de lor cititanos e consumitores. Differentias cultural, linguistic e historic inter membro statos anque significa que governamentos national in loco del Commission Europee debe diriger le campanias informational pro promover le euro, e le Regno Unite ha ora accordate se de participation in istos. MPEs ha anque assumite le anxietates de consumitores per insister que salvaguardas proprie sia establite pro assecurar que necuno exploita le consumitores e compratores quando precios es convertite de monetas national ni les carga costos inacceptabile del conversion. Iste mense (januario) MPEs appelava al Commision a facer propositiones designate a assecurar que le billetes de banca e moneta metal es convertite a euros libere de cargas a usatores. Il habera un approche flexibile al precios dual durante le periodo transitional inter 1999 e 2002, con le prevision a facer un balancia inter satisfacer le exigentias de consumitores e non poner troppo de cargas super parve botecheros. ---- Traducite per Stan Mulaik Del EP News, Januario 1998 AX-AD 98-001-EN-C ISSN-0250 5754 EP NEWS Commentarios es ben venite! Salute, Stan