Politica de SU criticate in le cerca pro un fundation commun. MPEs luctava con le un le altere iste mense in un debatto super relationes commercial con America durante que le politica del SU, particularmente concernente le restrictiones super companies europee excambiante benes con Cuba, veniva sub critica. Durante que un clar majoritate recognosceva le importantia del relationes con le major socio commerical de Europa, un minoritate vocifere, dirigite per Bernard Antony (F, Ind), reprimendava le SU pro lo que illes regardava como un approche egoistic al association. Date que le SU es le socio commercial le plus grande de Europa con excambios in excesso de $250bn, il habeva pauc disaccordo super le importantia del relationes commercial. Ni esseva il le caso que multe MPEs questiona le necessitate de fortificar iste relationes commercial. Totevia, il habeva timores de alicunos que le situation currente beneficava le SU al expenso del UE, que illo non regardava como un socio equal. Multe MPEs, includente Dominique Souchet (F, I-EN) e Erika Mann (D, EPP), condemnava pression american a poner le restrictiones super le excambios de affaires commercial del paises del mundo tertie per medio de legislation como le Acto de Helms-Burton, que penaliza paises estranie e companies in relationes commercial con Cuba. Sr. Souchet demandava que le UE produce le medios legal que facerea possibile, si necesse, menacias credibile del represalia. Altere MPEs argueva que le acto exemplificava le arrogantia del Congresso del SU, que on non poterea tolerar lo, e que illo esserea certemente defiate in le Organization de Commercio Mundial. Il anque habeva discontento super altere disputas inter le UE e SU tal como le fusionamento de McDonnel-Douglas. Del altere latere, MPEs dava le ben venitas al Nove Agenda Transatlantic (NAT) que esseva signate inter le UE e le SU in 1995. Illo cerca a promover le relationes UE-SU e a adjutar lo a esser un fortia pro le bon in le mundo. Isto, Sra. Mann argueva, habeva ducite a un forma totalmente nove del cooperation e illa urgeva le Europa a avantagiar se de illo. In le campo del politica estranie un numero de MPEs argueva que ambe lateres esseva ancora in le processo de venir al terminos con le situation create per le cadita del communismo. Ante 1989, diceva Jim Nicholson (Nord Irlandia, I-EN), le affaires esseva plus simple in le facie de un menacia commun. Opinion esseva dividite, nonobstante, super si o non le SU esseva a falta pro adoptar frequentemente un approche unilateralista in politica estranie o si o non il esseva al puncto ubi le Europa debe disveloppar su proprie politica estranie commun. Olivier Dupuis (I, ERA) credeva que le UE debeva plus al SU que le reverso, e on non poteva poner le blasmo pro le fragmentation de Europa super le americanos. In un vena similar, alteros argueva que le inabilitate del UE a parlar con un voce single super menacias external contra le securitate esseva le primari fortia depost multo del actiones "interventionalista" in le politica estranie de America. Gary Titley (Manchester West Plus Grande, PES) adverteva al conflicto bosnian como un exemplo flagrante del caso ubi plus action e minus rhetorico del parte del UE esseva necesse. John Cushnahan (Munster, EPP) rememorava tote le mundo del planate reduction del presentia militar del SU planate in le futura, e opinava que il habeva un exigentia imminente pro le UE a disveloppar su proprie capacitate del defensa. Un vista differente esseva exprimite per un numero del parlantes qui sentiva que in su politica estranie le SU habeva adoptate un approche unilateralista que esseva sovente detrimental al interessas del Europa. Bernard Antony (F, Ind) vadeva al extento a condemnar lo que ille argueva esseva le "insclavimento del Europa al SU." ____ Traducite de EP News, p. 4, Januario 1998 per Stanley Mulaik Amicos, io ha usate un archivo in formatto pdf de Adobe Acrobato scripte in le anglese como le articulo original. Il non esseva possibile a separar le texto del EP Novas in iste formato, proque quandocunque io lo essayava, illo semper esseva disordinate in su lineas de texto. Stan