[ Kjell ] Il me interessa qui pote creder in tal stupiditates. Io sonia de un programma que pote automaticamente eliminar tal stultitias! [ Pfrank ] Io recipe constantente tal "invitationes" a devenir ric. Il es cosa de statistica. Si on invia 1,000,000 invitationes stupid on incontrara quasi certemente un parve numero de personas qui trova le invitation meraviliose. Ante forsan un anno io videva un programa sur le television que discuteva le phenomeno de firmas que invia petitiones per posta requestante contributiones pecuniari pro varie causas. Como experimento le reporteres arrangiava un parve "causa" con le nomine, "Amicos de Jeffrey Dahmer". Io non sape si iste Jeffrey es cognoscite extra le USA. (A caso que non, permitte me a brevemente explicar que Jeffrey Dahmer era un homicide notorie qui assassinava horribilemente dece-septe juvenes e postea mangiava partes del cadaveres). Incredibilemente le campania succedeva e alicun personas ha vermente inviate pecunia al "Amicos de Jeffrey Dahmer"!!!! -- frank