Gratias, Steinar pro vostre observationes super "omnis". Io ha legite in le bibliotheca a Georgia Tech un grande dictionario del latino. Illo indicava alcun casos ubi le plural nominative neutre "omnia" esseva usate como adjective. Mais iste studio de "omne" revela le periculos de prender un particula del latino a in un lingua basate super le linguas romance. Le latino popular ha evolvite le usage de "ille" e "ipse" como determinatores, e istos con "totus". Nos ha necun exemplo moderne del usage de "omnis" con un substantivo plural. Le italiano "ogni" es solmente usate con substantivos singular. Iste es le sol caso ubi "omnis" ha supervivite in un lingua moderne. Ora le regula con "tote" con substantivos plural es que on debe regardar le substantivo plural como le nomine de un classe de plure cosas, e nos debe referer a illos con le determinator "le" pro referer al plen classe. Le articulo definite "le" "...non debe esser omittite con substantivos abstracte representante le integre classe, specie, etc." (Grammar de Gode e Blair). Si nos usa "omne" + substantivo plural sin "le" illo es solmente proque nos introduce un formula familiar a nos del linguas germanic, como le anglese, ubi "omne" es un substituto pro "all", que non require in ille linguas, le determinator "le" ante substantivos plural, "all flowers" "all men" si nos scribe "omne flores", "omne homines". Mais si nos deveni accostumate a isto, nos va introducer le mesme con "tote", e va scriber tote flor = every flower tote flores = all flowers tote nocte = all night & every night (confusion!) Omne Gallia es dividite in tres partes. Cata Gallia es dividite in tres partes? Omne le Gallia es dividite in tres partes? Le question es plus complexe que on lo anticipa a esser. Stan Mulaik