Le Presidente de Austria Adverti Contra le Apathia In martio le Presidente de Austria, Dr. Thomas Klestil, veniva a Strasbourg a confirma que le Austria ha fidite se in a un forte Union Europee, mais ille advertiva que le alte expectationes de 30 annos passate ha succumbite al scepticismo e le apathia. "Le generation de hodie ha desde un longe tempore presupponite le pace in le Union," ille diceva. Le periculo esseva que sin le firme resolution de su citatanos, le futuro del Europa esserea constructe super un fundation instabile. Como in altere statos membros del UE, ille indicava que multe gentes in le Austria sentiva distantiate del processo de facer le decisiones, que esseva sovente percipite como interferente troppo con un via del vita traditional. Appoio pro le institutiones del Union Europee esseva absente in le Austria, ille diceva, e isto, consequentemente ha ducite a un attitudine del hostilitate e diminuition del appoio vital pro le unification de Europa. Pro contrar iste timores, ille faceva le recommendation que on construe un Europa basate super le preoccupationes del citatanos e addeva jam que isto esseva le objecto del presidentias austrian e britannic. Isto se tractava de adressar le disoccupation ubi, sequente le conferentia al summitate a Luxemburg, le tempore esseva ora favorabile pro action practical. Il anque esseva vital a promover un politica positive ambiental basate super le standards alte. Super le question de reducer le golfo inter le institutiones del Union Europee e le citatano, ille faceva emphase del necessitate pro le transparentia in tote le activitates del Union Europee. Isto significarea que gentes sia facilemente conscie de qui esseva responsabile pro le decisiones facite e le establimento de un processo pro facilitar le citatanos a sentir un parte del procedure de facer le decisiones. Un grande parte del responsabilitate pro assecurar isto esseva illo del Parlamento Europee, ille diceva, que esseva facie a facie con le defia de establir le democratia a un nivello europee sin perder le contacto con le nivello basic del societate europee. Traducite per Stanley Mulaik, de "EP News", martio 1998.