ROMANUS SUM - III Professor Matti Klinge, Finlandia Le dynamica central de historia de ideas europee es inserrate in le concepto classicismo-romanticismo. Le message del classicismo es in accentuar de forme, balancia, auto-controllo, harmonia, durante que le romanticismo accentua originalitate, creativitate, expansion; le ambes opina se a representar libertate, ma concipe iste vocabulo in dissimile maniera. Le classicismo accentua le hereditage del antique, o plus tosto le tradition de trovar alicun nove in antique, le romanticismo de su parte le vena "genuine" de germanos, celtas, gallicos e protofinnos, e additionalmente impulsos medieval e extra-europee. Inricchinte le un de altere iste accentos ha rivalisate in nostre historia, e a ambe traditiones pote esser scripte tanto grande victorias spiritual como etiam oppression e crueltate. Il ha un special motivo que on nunc in Europa generalmente e in Finlandia particularmente debe accentuar le valore del tradition classicistic, e isto primarimente re education e cultura. Le europee, simplificate "le roman" como un valore, habeva tal longe essite in submission, abandonate e despicite, que le tradition es menaciate de perder su portatores. Illes qui continuante pinge picturas de horror con adjuta de Mussolini e Koskenniemi (un poeta ultrapatriotic finlandese -- AK) construe ulterior super le tradition antieuropee e europa-inimic in le signo de autoculpabiletate a.d. 1945, i.e. in le - tanto que io pote comprender, false - credentia, que le vena del cultura europee esserea continuante troppo forte e dunque un objecto importante pro critica e analyses. Es il assi? Quando le truppas ex "Siberia e Texas" liberava - i.e. conquireva - Europa al fin del Secunde Guerra Mondial, on declarava omne europee, le bon e le mal, non solmente unicamente culpabile, ma anque un forma del cultura que era condemnate al obito. Le idea del "perditio del occidente" postea le Prime Guerra Mundial era transformate al "perditio de Europa" e durante del decades post-guerree un grande banda de intellectuales, politicos e economicos cercava su fortuna con de grande potentias victoriose; un multitude de finlandeses ha presumibilemente facite signos de adieu a trainos del amicitate vadente al est o le gruppos del stipendiatos vadente al west. Autoaccusamento re le que es un phenomenon stampate (perque?) como colonialismo dava rapiditate a un considerabile enthusiasmo pro le "tertie mundo", un tiersmondisme. Pro exotica distante conveni se anque le sauna-accentuate pictura de Finlandia, que in su tempore "vendeva ben". Omne isto habeva su justification assi longe quando le generationes de Europa, le cultura europee e le linguas europee era sufficiente influential, e tal longe que le memoria del occupationes durante le guerra ancora impediva que Europa deveniva nodate internalmente. Proclamation de feroce, genuine, natural e nonrestringite autorealisar, ergo de romantic egoismo, toneva fresc nuances assi longe il habeva un assidue opponente. Ma le contracultura ha, como assi frequente, (in forma dilute), devenite le cultura dominante. In Europa Central cresceva le vetule idea de Europa ex le ideologia del conciliation inter le paises occupate, Francia e Benelux, e le paises occupante, Germania e Italia, alique que al initio conduceva al resolution del integration que era symbolicamente signate in Roma. Detra le projecto stava representativos del opposition de tempores del guerra e preguerree, qui trovava in le tradition europee anque altere que guerra e oppression. Le conciliation e tolerantia deveniva le guidante thema importante vis-a-vis con le integration economic, que in isto pais ha troppo strictemente dominate in le rubricas. Poco a poco le respecto de se ipse europee ha crescite plus forte, e un de su marcas es le interesse pro le proprie identitate e tradition cultural: on ha al pena jammais restaurate tal multe, fundate o restablite tal multe museos e operas, publicate tal massas de litteratura historic o essite tal multo interessate de musica classic europee. Non solmente le odyssé e le crescente otio, ma anque le sollicitude pro le proprie identitate ha augmentate e deveniva de augmentar le position del cultura. Multe inimicos del idea de Europa de 1960s ha se convertite e etiam in Finlandia un e altere "decision maker" ha se in omne silentia apprendite francese o remarcate que in omne caso germano era "meine erste Fremdsprache". Iste nove interesse non se limitava al Europa del Communitato Europee, sed es valide con un interessante modo etiam re le Europa postsocialista. Que proclamar su europeitate pote talmente semblar como cavalcar sur le cresta del unda, e dunque il ha naturalmente causa de rememorar al innumerabile reversos que pertine al multe interpretationes del tradition roman, como cata idea ha su reverso. Ma in Finlandia e plure altere paises le inquietude senti specialmente motivate, perque influentia del decades postguerree del inimicitate contra Europa suppositemente es specialmente forte con nos. Como contrapeso il non ha existite alicun particularmente portante tradition classic europee, sed le probabilimente plus dominante characteristica in nostre cultura ha essite le identitate del edificatores, per se honorabile, ma jungite con su proprie tempore. Quando le prosperitate e passatempore ha devenite apposite conceptos, nostre identitate cultural besonia alicun altere ultra le technica del informatica e prestationes sportive. Un membro del parlamento europee deplorava recentemente, que on in nostre continente specta filmes american in televisiones japonese e diceva que on habeva decidite con grande effortios de proprie programmas. Programmas de cultura e education son sub plano e execution, benque illos incontra alicun difficultates. Etiam in Finlandia on dice jam generalmente super le programma de cambio de pupillos, "Erasmus", ma on debe sovente se demandar, si le dicentes ha alicun idea del persona, qui ha date le nomine al isto programma. Pro Finlandia le question central deveni si nostre ressouces spiritual suffice pro con-esser e influer super le nove campo europee, o si nos debe contentar nos de rolo de passive receptores. Un responsa negative esserea ominose, etiam con respecto al activitates politic e economic, un responsa affirmante al contrario significarea un chance pro nos a dar developmento, que nonobstante es obvie, un contento positive. Nove interessante resultatos de recercas indica, secundo multe indicatores central, que il jam existe in Europa del West e Nord un realitate social e industria, que distinctemente differe se de tote gruppos de comparation (e.g. America). Assi il ha bon premissa pro le integration institutional e ideologic, ma le realitate social naturalmente non dicta le poner de fin directemente. Le campo ideologic e cultural vive su proprie, ben que non totalmente independente, vita. In isto campo functiona inter alteres le schola. Le vino del communion es forsan utilisabile como memento pro nostre identitate roman: un producto del Mediterraneo, que in potentia del su significantia religiose ha jam retro longe attingite mesmo le distante nord. Le religion, habitudes, ideal, assi le totalitate cultural, constitue le Europa "roman". Le cultura non es independente del formationes, statal e systemes politic, ma non etiam a tote partes nodate a illos. Nos pote admira le cultura de China e nos deberea lo cognoscer, ma chineses nos totevia deveni non jammais. Differente il tene con le roman, le europee: Nos deberea studia lo pro que inseniar cognoscer nos ipse. Nos ha longemente essite romanticos, fascinate super exoticismo e emancipation; nunc ha venite le periodo de harmonisante e classicismo consciente del forma. - - - Salutante Allan