Heri nocte io e mi sposa conduceva le automobile de mi sposa a un sposalia del secunde filia de un copula qui es respectivemente collegas de nos. Le un es un infirmera e psychologo qui esseva in le facultate del Schola de Infirmeras al Universitate Emory. Le sposo de illa es un professor del ingenieria electric a Georgia Tech. Le ecclesia in que le sposalias occurreva esseva un Ecclesia Catholic, St. Thomas Aquinas de Alpharetta, Georgia. Isto esseva le prime sposalias in un Ecclesia Catholic a le qual nos esseva presente--al minus pro me in le region de Atlanta. Quando in Salt Lake Citate justo ante nos esseva maritate, mi sposa esseva le dominicella de honor in un sposalias de un amica a un egyptiano qui esseva del fide Coptic, e lor sposalias esseva secundo le rito oriental, que in Salt Lake Citate esseva solmente disponibile per le ecclesia orthodoxe grec. Io esseva le conductor del automobile pro transportar le sposo e sposa al reception post le sposalias. Le professor del juvene sposo esseva anque coptic (que seque le rito oriental), e le nocte ante le sposalias, ille habeva essite le hospite de un banchetto in honor del sposo e le sposa, e ha servite le caffe turchese in parve tassas. Io esseva innocente del poter del caffee turchese e ha bibite mi tassa integre, pensante que un tal parve tassa non esserea basatante a interrumper mi somno. Error! Plus tarde ille nocte io non poteva dormir. Assi io conduceva le automobile con le novo copulo in un stupor del manco de somno. Le sposalias a que io e mi sposa esseva presente heri nocte esseva conducte per le diacono del ecclesia. Le sposo esseva un juvene medico cuje familia es de Sud America. Le sposa esseva un therapista con musica. Le juvene copulo ha incontrate le un le altere quando le sposo esseva al Schola de Medicos a Emory. Ambe es ora a hospitales in Chicago. Le matre del sposo es illa mesme un medico. Mais evidentemente membros de su familia veniva de Sud America tanto ben. Durante le sposalias un distinguite dama con characteristicas italian, legeva un poema in le espaniol castillian. Io non es certe lo que es su relation al sposo. Post le sposalias il ha un reception a un club de un famose percurso de golf que esseva in le vicinitate del ecclesia. Le musica esseva bon, e io e mi sposa nos associava con su amicas e lor sposos del Schola de Infirmeras. Io passava le grande parte del tempore con le sposo de un collega de mi sposa, qui es un professor pensionate del Education al Universitate Statal de Georgia. Io discuteva mi interesse in interlingua, que pareva interessar le. Io e mi sposa quitava le reception verso medienocte. Il commenciava a pluviar. Como nos conduceva le auto al west verso nostre casa, nos poteva vider le fulmine in le nebulos al west. Le stratas essevaT9 T 4084--94413AT14TxT9DT 04- o obscur e infamiliar, e eventualmente io ha perdite le via. Nos discoperiva que nos ha facite un mal torno a un strata, e post retornar super nostre passos, nos trovava le correcte strata. Le fulmine esseva frequente e forte. Quando nos finalmente arrivava al nostre casa, io accendeva le television e tosto apprendeva que il habeva un allerta contra tornados. Isto es le avertimento justo sub un avertimento de un tornado. Il habeva tempestas severe veniente del west que possibilemente contine tornados. Ben que mi sposa se retirava al lecto, io remaneva al television, que presentava de tempore in tempore le resultatos del radar de Doppler, que monstrava le location del pluvia e tempestas. Post un mal tempesta ha passate a 0200 horas, io vadeva al lecto, solmente a eveliar me a circa 0400 horas quando il fulminava fortemente. Io vadeva al television, e videva que il habeva un avertimento de un mal tempesta fulminante. Post alcun pluvia intense, e multo fulmine, le tempesta passava, e le radar de Doppler monstrava necun tempestas al west. Le allerta contra possibile tornodos esseva al fin. Io poteva retornar a mi lecto. Mais io non dormiva passate 0745, proque hodie esseva le Die de Honorar le Matres, e mi sposa habeva invitate nostre filios e lor familias a visitar nos pro un dinner. In le matino mi sposa me diregeva al specieria pro obtener un altere pacchetto de macaroni e caseo e alcun portaspicas pro le spicas de mais que illa servirea. Mi filios e lor familias veniva con le duo granfilias. Tote le mundo esseva fatigate. Illes ha eveliate se quando le sirenas advertente le possibilitate de tornados ha sonate. Nos ha habite un serie de tempestas periculose durante iste septimanas passate, e nos es multo vigilente. Stan Mulaik