[ IL_TRAD, nove lista] Io es de accordo con Chris que le scopo primari de INTERLNG es servir como un "Cafe Interlingua". Io es etiam de accordo que nos poterea ben utilisar altere listas como un tal "IL_Trad" proponite per Chris. Ma io debe mentionar que nostre providitor del servicio, le Universitate St. Johns, ha nunc 750 listas sur le systema MAELSTROM (ante un anno, solmente 400 listas). Como un del administratores de INTERLNG io recipe regularmente informationes super le situation in St. Johns e le servitor MAELSTROM. Il pare que le administration del universitate ha anxietate super le costos de iste servicio. Anque recentemente le administratores de MAELSTROM ha habite GRANDE difficultates quando in un del listas un ver "guerra interretal" explodeva. Le membros de ille lista deveniva insupportabile; illes accusava le administratores de MAELSTROM; illes inviava planctos al administration del universitate ipse! Al momento io non vide periculo seriose que nos poterea perder le supporto de St. Johns. Al altere latere io dubita que isto es un momento opportune pro demandar de St. Johns supporto pro nove listas. Ma si nos vole instituer nove listas, il ha altere possibilitates. Il es possibile arrangiar nove "listas" con firmas que provide tal servicios commercialmente. Io non sape le costo. -- frank