Le die de festa del Ascention de Christo es un del pauc ecclesiastic festas con vacantia del labor que ancora remane in Svedia. Omne le alteres ha essite rationalisate foras. "Ma como del natal, pascha e sancte johannes?" demanda _Amico de Ordine_ ex le listanos de interlng. Replica: - De accordo, ma isto se tracta de ancian festos pre-christian que jam ha essite festate in iste pais ante le arrivata de Sancte Ansgarius e altere missionarios. Ante le natal il habeva le _yul_ (que probabilemente era festate un poco plus tarde, forsan in februario - io legeva in un libro). Le parola _yul_ es parente al parola pro le sol, le immense rata que curreva sur le celo... E Sancte Johannes era le ancian festa del Solstitio Estival. Le festas del Yul e le Solstitio Estival era transcipate _transprendite_ del ecclesia, ma a mi aviso le die de ascension es un "pur" festa christian. In Svedia al minus nos del altere latere non festa le Corpo de Christo - como in Polonia. Ille die veni un septimana plus tarde (io crede). Io accepta con gaudio omne correctiones! Iste die es etiam le die del Sobrietate National ("del populo" si vos vole). Per le medios del aere on pote vider programmationes de un grande assamblea a Skansen (le museo folkloric in plen aere in Stockholm, Svedia). Historicamente isto certo habeva un grande signification, ma io suppone que on in nostre dies perde le efficacitate, viste que on - secundo me - se dirige (se "directiona") al non-juste adressato - le jam organisate. Forsan un problema simile a nos interlinguanos, qui plus voluntariemente parla a nostre convertitos o usa le lingua in le grande mundo de non-initiatos. Ma hodie iste incontro - a Skansen - es un oration al jam salvate. Le personas qui lo plus necessitarea, non del toto sape de illo o non del toto se interessa.... Kjell [log in to unmask] Kjell Rehnstroem Vaenortsgatan 87 S-752 64 UPPSALA Suedia - Sweden