Kjell, In su ultime annos mi patre esseva un atheista admittite, e ille se abonava a plure gruppos atheista in le Statos Unite. Ille recipeva "The Skeptical Inquirer" e altere tal periodicos. Io opina que le atheistas qui se preoccupa con iste question senti fortemente le attraction del religion, mais non capace de creder lo, illes debe defender se per un forte attacco super le religion, un forma de lo que le psychologos nomina le "formation de reaction" (reaction formation). Pro reassecurar se que illes non deveni religiose, illes debe facer emphase del opposite. In contrasto, un atheista qui non jammais senti plus le attraction al religion non se preoccupa con le topico. Mais isto non me pare a explicar lo que vos vider como un differentia inter atheistas in Svedia e illes in le SUA. Possibilemente vos non vide le atheistas statosunitese (mi apologias, Frank) qui non admitte lor atheismo in un maniera aperte e ruitose, e vide solmente illos in le gruppos de novas del Statos Unite. In le Statos Unite, le Baptistas del Sud del SUA ha justo finite un conferentia in Salt Lake Citate, ubi illes vadeva como missionarios de un porta a un altere in le vicinitates de Salt Lake Citate, portante lor fide al mormones. Isto es ironic, proque isto justo es lo que le mormones face. Le mormones non habeva alcun planctos super isto, acceptante le facto que gyrovolta es juste. Mais le special significantia es le resolution del Baptistas in lor Convention de un nove articulo de lor fide que es que le sposa debe submitter se gratiosemente a su sposo in le maritage. Le sposas baptista sovente face emphase que le sposo anque debe ama su sposa justo como Christo ama le Ecclesia si illa submitte se a ille. Isto es basate super passages in le scripturas de Sto. Paulo. Le baptistas opina que le structura del familia es innatural e contra le leges de Deo si le sposo non es dominante e le capite spiritual del familia. Feministas vide isto como justo un altere movimento del homines a dominar lor sposas, usante le Biblia como lor excusa pro le abuso e violentia contra lor sposas. Altere gruppos Protestante vide isto como un altere caso del literalismo in le interpretation del Biblia, e le mesme con le Catholicos. Stan Mulaik