Frank ha ration, que in le Statos Unite, pro al minus tres decennios le futbol ha essite un joco popular infra le juvenes in jocos organizate. In le 1970s mi filio senior ha jungite un equipa cuje trainator esseva un irlandese, cuje filio esseva le "sweeper" del equipa (excellente). Mi filio esseva le goal-keeper. Illes ganiava plure campionatos. Io le prendeva a tote le practicas e jocos pro 5 annos. In su schola secundari ille deveniva le goal-keeper del equipa del schola. Mais mesmo post su annos como un juventute, ille ancora joca in varie equipas de amateures, proque ille gaudia le joco. Su filio junior, esseva plus parve pro su etate. In loco de jocar le futbol, ille deveniva in le schola secundari un arbitro con licentia, arbitrante jocos de juventutes. Mais in le schola secundari ille jocava le football american, specializante como le kicker. Atlanta habeva pro duo saisones un equipa professional. Mais ben que il habeva le parentes de lor filios e filias qui jocava le futbol qui spectava le jocos, le numeros non esseva bastante pro mantener un equipa professional profitabilemente. In le Statos Unite le baseball in le estate, le football in le autumno, e le basketball in le hiberno es le jocos popular, e il ha essite difficile a interessar le gentes in altere sports. Nonobstante multe milles de juvenes joca futbol in competition organizate. Stan Mulaik