Allan scribeva de Alexandra Kollontai. Illa recipeva su nomine per su maritage con un comte (io crede) polonese Kol/l/a,taj. Io non sape que occurreva con ille, ma ille dava su surnomine a illa e dispariva, e assi - como il dice in le sagas islandese - ille ha sortite del historia. Habente interessate me del cultura polonese io pro rationes sentimental usara le un eclectic orthographia rehnstromic essente un compromisso con illo polonese: Kollontaj. In le 30-as Alexandra K era ambassatrice del Union Sovietic a Stockholm ubi illa era in contacto con le feministas radical de ille tempore. Illa cognosceva tal personalitates como le scriptrice Ellen Key e le actor e cabaretista Karl Gerhard (cambiate de su original surnomine Jonsson), un del plus famose artistas de comedia e cabaret in Svedia. Ille era multo influentiate del cantion francese e poteva in un senso facer pensar de Marice Chevalier. Ille era ante mi tempore in le senso que io me le recorda de mi infantia. Ille scribeva un specie de autobiographia: Om jag inte minns fel (Si io non mismemora o forsan plus liberemente: Si mi memoria me servi ben. Io legeva le libro multissime annos retro e in illo ille narra de su participation in le negotiationes inter Finlandia e Union Sovietic post le Guerra de Continuation (io crede). Io tentara trovar le libro e va citar le parte pro le beneficio del listanos. Illo es mesmo extra le derectos de autor etiam, lo que debe esser un bono additional. Io memora que ille e sra Kollontaj excambiava curte telegrammas in un codice ubi le election de lingua era significante: Io vos invita (in francese significava que le Union Sovietic es favorabile e in svedese = le Union non es favorabile). Io debe controllar in le libro. Si mi memoria me servi ben Kollontaj era revocate a Moscova post le guerra. Il es un enigma que illa poteva viver in Stockholm inter le feministas e sinistristas svedese in le 30s e 40s e al mesme tempore como il appare servir su pais loyalmente e non cader victima del purgationes stalinian. Isto es un interessante epocha. On debe refrescar su memoria... Kjell [log in to unmask] Kjell Rehnstroem Vaenortsgatan 87 S-752 64 UPPSALA Suedia - Sweden