-----Original Message-----
De: Kjell Rehnström <[log in to unmask]>
Para: [log in to unmask] <[log in to unmask]>
Fecha: jueves 25 de junio de 1998 19:09
Asunto: Espania secun' mi vista remane monarchista!



>Durante le periodo de Franco , esque Espania nominalmente era republica o
>monarchia, attendante le nove rege?Esque Franco officialmente habeva le
>titulo de "prime custode del pais" o alque simile?

Tu question es multo interessante. Franco era "Caudillo (conductor, leader)  de España por la Gracia de Dios" e "Generalísimo de los Ejércitos". Il ha habite multe
discussiones in re le natura fascista del regime del Caudillo. Le veritate es que
Franco non era un fascista, sed un militar multo conservative que cercava le
adjuta del falangistas (authentic fascistas), del monarchystas de Alfonso
XIII, le rege exiliate, e del carlistas (monarchystas dissidente postea 1830
e favorabile al Ancian Regime).
Falange, le partito fascista, voleva un republica "national-syndicalista",
le monarchystas voleva le retorno del Borbones, e le carlistas voleva le
retorno del Borbones dissidente. Un pannorama phantastic, nonne? Franco, qui
semper considerava Espania como un immense caserna, creava un partito unic
miscente le tres brancas. Le nomine era... Falange Española Tradicionalista!
Assi le pseudo revolutionarios fascista de Falange era forciate a dissolver lor ideologia in le monarchysmo conservative e le monarchysmo integrista.
In summa: Franco creava un regime que prendeva le peior del tres brancas, benque postea 1944 le fascistas perdeva multo poder, e postea 1955 le Opus Dei (integristas catholic) lo  ganiava. Le carlistas tosto comprendeva que Franco les habeva deceptionate.
Espania era formalmente un regno sin rege. Quando Juan Carlos I deveniva rege, post le morte del Caudillo, lo faceva proque Franco lo habeva volite assi. Le authetic rege, secundo le leges dinastic (non secundo mi opinion, naturalmente), debeva esser le patre de Juan Carlos (Juan), sed Franco lo detestava proque ille esseva troppo ambitiose e troppo "liberal".
Al fin, nos ha le rege que Franco voleva. Le populo lo ama, proque ille es amabile in apparientia (qui pote saper como es vermente un rege?), e amante del democratia, apparentemente anque (qui pote saper que pensa vermente un rege?). Le socialistas dice ora que illes es "republican de Don Juan Carlos". Ha, ha. Ha, ha, ha.
E le vita continua. 
E io forsan  videra nunquam un republica ubi le presidente es un citatano plus, de sanguine rubie, con legitimitate real, e non royal.

>Compara in isto le attitude al ecclesia statal. Quasi omne personas
>ethnicamente svedese desde 3 generationes e plus es automaticamente membros
>del ecclesia statal svedese, pro que on intra in le ecclesia insimul con su
>nascentia, si on non adhere a un altere confession. 

Stupende! Illo pare un idea de Franco!
Hic le ecclesia catholic es troppo potente, sed jam non osa (e non pote) facer cosas como ille que tu dice.

Ignacio.

P.D. Le dictionario continuara, naturalmente!
P.D. Si vos vole saper plus super le criminal Francisco Franco, lege "Autobiographia del General Franco", scribite per Vázquez Montalbán. Es multo interessante... e divertente.