Ensjo, et alia. Aqui es un traduction de un articulo del EP News de Junio 1998. VERIFICATION A FRONTIERAS UN PRIORITATE DEL REGNO UNITE Uno del questiones principal al Summito de Amsterdam esseva le si-nominate accordo de Schengen super libere movimento e le abandonamento de controlos de passaportos inter le membros statos a esser introducite a in le Tractato del Union Europee. Isto ha essite un demanda de europarlamentarios desde multe tempore e effectivemente permitte al Commission Europee e le Parlamento Europee un voce in le processo. Totevia le Regno Unite e Irlanda non signava le accordo de Schengen e es anxie a retenir controlos de frontieras a portos e aeroportos, ben que il ha necun verificationes de passageros inter le Britannia e Irlanda. Le Regno Unite argue que como un nation insular, illo non incontra le mesme situation como le Europa continental con frontieras terrestre e milles de gentes transversante le frontieras cata die. Illo equalmente considera le controlos de passaporto esser uno del armas principal in le lucta contra le crimine organizate e le contrabando de drogas. Illo es tanto ben un via de contrar le immigration illegal. De plus, si le pais non acceptava frontieras aperte, illo certo significarea le introduction de cartas de identification, un idea introducite per le previe governamento, mais trovate in necun parte del manifesto del nove Governamento Labor. A Amsterdam le intention esseva a lassar aperte le via pro e le Regno Unite e Irlanda a junger se a un dato plus tarde. Grecia, Italia, e Austria es programmate a devenir membros del accordo de Schengen super libere movimento plus tarde in le anno. Isto non es a dicer que le accordo de Schengen non include un engagement de tractar le crimine international in un Europa sin frontieras. Le esquadras "volante" de policia pote exploitar le provisiones del accordo de Schengen pro operar trans frontieras, e in un operation juncte recente, nederlandese e german policia patruliava un urbo nederlandese insimil. In addition le Gendarmeria Nederlandese responsabile pro controlar le immigration stoppava alcun 26.110 estranieros qui essayava a intrar le pais sin documentos valide in 1996 e alcun 5.810 documentos de viage falsificate esseva discoperte como un resultato de examinationes a hasardo in le Nederlandia. In le april del mesme anno, le nederlandese usava tanto ben un clausula in le accordo de Schengen que permitte a paises le refusa de entrata de gruppos selecte super le base del securitate national, a interdicer 1.500 turchos e curdos de entrar le pais. Nonobstante le Regno Unite es anxie a jocar un parte positive in Europol, le unitate embryonic del cooperation paneuropee de policia designate a tractar le crimine international. Le Regno Unite es tanto ben uno del usatores le plus active del base de datos international. Le immigration e le question de cercatores del asylo es un altere area controversial ubi e le Regno Unite e Irlanda prefererea le formulation del politica a remaner in le manos national. Sub le si-nominate principio de "salverefugio" accordate per le statos membros sub le accordos intergoverna- mental del "Tertie Pilar", cata pais consenti a respectar le regulas national de applicationes al asylo. Le intention es que cata stato UE pote rejicer un application al asylo si un requesta jam ha essite refusate per un altere membro stato e retornar le cercator del asylo al pais de prime arrivata in le UE. Sub accordos presente appello es limitate a cortos national in tanto que le question cade foras le scopo del Corte Europee del Justitia. Isto pote ducer, totevia, a alcun decisiones surprendente con un judicio in un caso in Anglaterra refusante a recognoscer le Belgica como un "salverefugio" e le retorno del applicante pro le asylo al pais in question. Un altere appello, nonobstante, concernente un applicante objectante a su retorno a Francia esseva refusate super le base que le proceduras proprie esseva disponibile in Francia. Mais con le applicationes al asylo ora currente a 28.000 cata anno in le Regno Unite e predicite a crescer a 6.000 al fin del anno in Irlanda, il ha alcun anxietate in ambe paises que le systema es ora abusate. De facto un gruppo de rumanianos destinate a Irlanda con passaportos falsificate de Espania esseva interdicte solmente iste mense passate de embarcar super un barca de transbordo a Cork. Mesmo le interrete ha essite tracte in le debatto con information super beneficios de assistantia social pro cercatores de asylo ora disponibile in le interrete. Malgrado le controlos de frontieras, numerose refugios passa per le rete e il ha un estimate un million de immigrantes illegal in le Regno Unite. Nonobstante, il es in Germania ubi le plus alte numero de applicantes es situate que le situation es tense. Con suspectos de 91 nationalitates differente essente retenite super accusationes criminal, il non es surprendente a vider Germania in un campania pro un plus juste distribution del applicantes de asylo intra le altere statos membros. Traducite de EP News pro le junio de 1998. --Stanley Mulaik