Salute amicos, io me concede un pausa del labor super le projecto PPL (io es preste a inviar al lista un texto que me ingagia e me fatiga) e io vos conta que iste vespera io es invitato de Mario Domodemuro pro un pizza e un bottilia de bon vino. Mi amico Mario ha quatro annos plus de me; ille es del 1936. In le 1943-1945, durante le guerra, nos habitava proxime de domo, in un village a 10 kilometros de Treviso; 55 annos retro. Cinquanta-cinque annos! Postea nos ha vidite nos discontinuemente e sol in le 1980 nos ha comenciate a laborar insimul. Mario es un interprenditor e ille ha travaliate in tote iste annos, io pensa plus de 45 annos, in le sector del carpenteria metallica. Ille es specialisate in systemas del conductos pro le aria in le fabricas, e in systemas del canalisatores pro le pulveres de serration, in filtros industrial, in aspiratores e in silos de immagazinage, in le fabricas de mobiles, in particular. Ma ille ha construite etiam machinas pro le movimento de inertes. On defini inerte le terra, le calculos, le saxos, le petras. Le termino extendite es "materiales inerte". Ma on abbrevia in "inerte". In anglese io pensa que on dice: spoil = waste material thrown up by an excavation (materiales excavate), alluvium (materiales alluvial). Como pro tote le nostre interprenditores del zona de Treviso, le labores de Mario son etiam al estraniero, in Algeria, in Russia, in Tunisia, que io recordarea. Io iste vespera invitara Mario a leger isto texto e postea io le demandara su impressiones super Interlingua, iste lingua international. Interessara a Mario Interlingua como medio (porta) de communication international? E pro se ipse? Mario ha pro su lingua principal le dialecto de Treviso, ma ille ha essite al estraniero plus vices. Mario usa le lingua italiana solmente si ille es constringite, ma lo parla in public. In le reuniones ille prende le parola sin problemas, etiam si ille es televisate. Ille ha habite passiones pro le politica ubi ille ha essite frenate solmente del obligationes del labor. Como se comportara Mario con le impacto con Interlingua? Si ille sera de accordo io vos contara su impressiones. Amicalmente, Mario Malaguti mailto:[log in to unmask] Informatica GI Srl Strada Bibano, 9 - 31100 Treviso (Italy) tel. (+39) 0422 420790 - fax (+39) 0422 420789 http://www.i-gi.com http://www.telegrupigi.com http://www.informaticagi.it Le 8 de augusto del 1998. Revisiones del texto, links al pagina: http://www.telegrupigi.com/interlingua/19980808.htm Le participation es sollicitate.