Car amicos. Pro poter publicar sempre plus de nove libros in interlingua - dictionarios, manuales, belletristica, litteratura professional, magazines etc. - il es urgente que il ha lectores, qui compra e lege le libros existente. Le moneta que on paga pro un titulo in interlingua (e le precio es vermente basse), financia le edition de nove libros. Isto es le ration obvie que non titulos in massas es ponite a libere disposition in Internet. Le organisationes de interlingua besonia que on compra le titulos in papiro, e que on postea se annuncia como membro e assi se abona a p.ex. Panorama e altere magazines in interlingua. Nam sin abonatos - e sin compratores de libros - non venira plus de titulos ni periodicos. Le invenitos coperi le production de nove libros e le expedition de exemplares per posta, como illo anque coperi le distribution de magazines e libros a personas in paises, ab le quales pagamento non es possibile. Dunque, seniores, senioras e seniorettas, ha vos comprate un bon libro hodie? Supporta interlingua per pagar, non per discargar ("download"). Con mi optime salutes Thomas Breinstrup