Car amicos, durante que nostre preciose nove amico Mario vole practicar Interlingua sur nostre lista e apprender a usar lo, ille se senti confundite proque alicunos inter nos non pare respectar le ortographia e le syntaxe correcte. Io es certe que plures inter nostre amicos hic cognosce ben le regulas de Interlingua. Io suspecta, tamen, que illes scribe tro in haste e sin revider lor scriptos ante a expedir los! Per favor, non dice que cata uno scribe "in su proprie dialecto": esque isto non poterea devenir plus tosto un excusa pro le proprie pigressa? Io non vole esser nunc un "purista" del lingua. Io desidera solmente que nos omnes face un particular effortio a scriber le plus correctemente possibile, e isto super toto pro le beneficio del comenciantes. Vos omnes, io crede, possede un grammatica de Interlingua. Forsan vos lo legeva, le ultime vice, dece annos retro o plus, e vos crede de jam cognoscer lo... Releger le grammatica poterea esser, tamen, un exercitio refrescante (isto nos lo necessita super toto iste estate!) e on poterea alsi discoperir cosas interessante, como formas alternative de parolas que poterea adder elegantia a nostre proprie stilo. Ergo, non sia pigre! Paolo. Paolo Castellina, casa: Montaccio, CH-7605 Stampa tel. 0041,81,8221069 http://www.tande.com/montaccio ufficio: Via principale, CH-7604 Borgonovo tel. 0041,81,8221145 http://castellina.home.ml.org http://www.interlingua.com