Olim in un pais multo distante e in un tempore etiam si distante que mesmo le animales habeva le capabilitate de parlar il era un rege qui viveva in un palatio appellate le Castello blanc. Pro mantener le rege e su corte il era un enorme machina, un enorme agricultura con cavallos, vacchas, gallinas, anates e anseres e porcos. Il era un honor pro omne le juvenes in le pais participar in le labor del Agricultura Regal e cata anno multe personas viagiava al region capital pro participar in le labores regal de agricultura e besticultura. Un anno le belle juvena era pastoressa de porcos. Illa habeva tote le cosas que constitue un attractive femina in le juste loco e in sufficiente mensura. Illa era simplemente un belle femina. E que poteva un belle femina con perspectivas pro le futuro facer si non tentar a approximar se al rege. Illa prendeva con se un libro de poesia, duo pomos e un cigarro e veniva pro contactar le rege. (Memora, car amico que omne similitudes con le realitate es purmente coincidential. Qui es ego, despiciende narrator de fabulas, que ego tentarea narrar le qual haberea le minime semblantia de veritate? Resta syntonisate pro le continuation del historia!) [log in to unmask] Kjell Rehnstroem Vaenortsgatan 87 S-752 64 UPPSALA Svedia - Sweden