Le huracan que ha menaciate nos hic in Florida ha movate se nunc gradualmente al nordwest per le golfo de Mexico. Illo es nunc al boca del fluvia Mississippi e menacia le region del citate New Orleans. Le ventos le plus severe attinge velocitates usque 200 km/hora. Multo infortunamente le tempesta integre ha relentate se e move nunc multo lentemente. Ante un hora io recipeva un message de un empleato del mesme interprisa ubi io travalia qui es locate in New Orleans. Ille scribeva que ille e multe altere personas fugi ex le citate a regiones plus nord. Ille scribeva que, gratias a su progresso lente, le tempesta remanera super le region usque mercuridi. Isto es un grande problema. Huracanes son periculose gratias e a lor ventos alte e al grande quantitate de pluvia. Especialmente pro New Orleans iste pluvia non es benvenite. Le citate es situate sub le nivello del mar e es protegite per dicas. Nostre collega scribeva que le region circum New Orleans recipera de Georges forsan usque 80 centimetros de pluvia!